Wp/lzz/lat/Abdullah Gul

< Wp‎ | lzz‎ | lat
Wp > lzz > lat > Abdullah Gul

28 Mariaşina 2007 tariğis, Turkiaş Na3iaşi Didi Meclisişk’elen Turkiaş Resp’ublik’aşi mavitoartani P’rezident’i na i3xunu Abdullah Gul, 29 Gimua 1950 tariğis K’ayseris dibadu. Muşi baba ren Gulukimamişi ocağişen Ahmet Hamdi Begi. Muşi nanati ren Satoğlu ocağişen Adviye Xanumi. Abdullah Gulik notamamu liseşi gamantanati K’ayseris. Mp’olişi Universit’eş Ek’onomiaşi Fak’ult’eş k’ule muşi dokt’oroba oxvenuşa kogyoç’k’u, artneri fak’ult’es. Nena oguru do muşi dokt’orobaşi dulyape şeni, st’ip’endiaten idu Londoni do Ek’seterişa. Jur 3’anaşi morgvalis ekonaşis dodgitu. Turkiaşa guikt’uşi, Sakaryaşi Universit’eş İndust’rialuri Encinerobaşi Burmeş ok’iduşa mxuci na meçupeşen arteri iqu. Ek’onomiaşi dersepe meçu am burmes. 1983-s Mp’olişi Universit’eş Ek’onomiaşi Fak’ult’eşen muşi dokt’oroba ezdu.

1983- 1991 3’anapeşi şkas, İslamuri 3’oxlextimobaşi Bank’as ixandu ek’onomist’i oqopinot. 1991-s do3ent’i iqu int’erna3ionaluri ek’onomiaşi burmes. 1991-s i3xunu K’ayserişi dep’ut’at’i. Turkiaş Na3iaşi Didi Meclisiş P’lani do Biuçet’iş K’omisiaşi mak’ature iqu. 1992-s Avrop’aş K’onseişi P’arlament’erepeş Meclisişi mak’ature iqu. K’ult’ura, p’rin3ip’epe, p’olit’ik’uri dulyape do 3’oxlextimobaşi k’omit’epes ixandu. 1993-s Refah P’art’iaşi Galeni Dulyapeşen Mesuli Generaluri Dudmaxvenciş Manuşvale iqu. 1991-s i3xunu K’ayserişi dep’ut’at’i. Turkiaş Na3iaşi Didi Meclisiş Galeni Dulyapeş K’omisiaşa mak’ature iqu. 1996- 1997 3’anapeşi şkas, 54. xe3alaşi oras, Oxen3aluri Naziri do Xe3alaşi Mağarğale oqopinot misia qu. 1999-s Fazilet’işi P’art’iaşen i3xunu K’ayserişi dep’ut’at’i.

3 3’ilva 2002 tariğis Ak P’art’iaşen i3xunu K’ayserişi dep’ut’at’i. 16 3’ilva 2002 tariğis iqu Dudnaziri. 14 Mirk’ani 2003 tariğis, iqu Dudnaziriş Manuşvale do Galeni Dulyapeşi Naziri. 2 X3ala 2007 tariğis, Ak P’art’iaşen i3xunu K’ayserişi dep’ut’at’i. 21 Mariaşina 1980 tariğis, Hayrunnisa xanumi k’ala na içilu Abdullah Gulis uqonun sum bere. Abdullah Gulis uçkin İnglisuri do Arabuli nenape.