Wp/lus/Thahdo

Thahdo (emaw Thado) hi mizo hnampéng pakhat a ni.

Thadova

Thadova (1200-1247 AD) hi Chawngthua fapa a ni a. (Heta Chawngthua hi Lersia kha a nih hmêl loh) Zahunga unaupa a ni. Khampat tiau lai khan Sanzawl leh Bochung hmunah te a lal a. Thadoa atang hian tûna Thado intite hi an lo piang chhuak a. Tûnah chuan chi (tribe)-ah an lo invuah ta a ni.

Manipur luh

He’ng Thadova tuchhuan leh a khua leh tui hote hian AD 1400-na lai vel khan Sanzawl an chhuahsan a, Gang (Rang) ramah khawsain Ṭiau an tla thla ta a. Kum 1820-1840 vel khan tûna Manipur ramah khian an lût ta a. An rual hian an khua leh tuite Gangte, Vaiphei leh an unaute Simte, Zo hote pawh an tel a. Manipur-ah an awm ta a ni.

Thibaw lal len

Thibaw lal a lo len tan tirh lai khan he’ng mite hi Sanzawl-ah an la awm a. Mahse, Pawi hovin lalber nih an tum avâng leh buaina neuh neuh dang a chhuah avângin Sanzawl-ah an awm rei thei ta lo va, an rawn chhuak ta a ni. An kalkawngah pawh hian Tiddim lalte nen an intibuai a ni.

Thado (Ralte, Kawlni, ladt.|ladt.) lal hote hi AD 670-na lai aṭang khan indawt zatin an awm chho va, Lusei-ho lal neih hma pawh khan lal an nei tawh a ni. He’ng an lalte zingah Ralzina, Ralkhama, Ralna-a, Zahuata, Chalbawka, Dobula, Renghanga leh Bungsuta te hi kan la hriat reng theihte an ni.

Thado chipéngte

Thado-ah hian chhûngkua tam tak an awm a, chu’ngte chu Kipgen, Haokip, Sitlhou, Singson, Pohil, Thalun adt. an ni.

Thulâkna

• Lunghnema, Col. V., Mizo Chanchin