Sâp thuhlaril tih hi thuhlaril, sâp ṭawnga ziah hrim hrim sawina a ni. He thuhlarilah hian ram hrang hrang ziakmi an tel a, ram tam tak aṭang ziakmi lar leh pawimawh tham tak tak an lo chhuak tawh a ni. Entirnan, Robert Burns-a hi Skawtmi a ni a, Salman Rushdie-a indiaram chhuak, Edgar Allan Poe-a amerikami, Vladimir Nabokov-a rusiaram chhuak, chutiang zëlin. Hêng mite hi sâp ṭawng thuhlarila thawh hlâwk ber berte leh lär tak tak te an ni a ni.
Ziakmi tamin ziakphung ziarang tam hlë mah sé, William Shakespeare-a hi sâp ṭawng thuhlarila dinhmun chungnung ber luahtu tih ngam a la ni fan a ni.
Sâp ṭawng hlui
edit Chanchin kimchang : Sâp ṭawng hlui thuhlaril
|
Sâp ṭawng tia chhiar theih chin chu kum zabi 5-na chawhnu lam leh kum zabi 12-na chawhnu lam inkar vêla Anglo-Saxonhovin tüna England ni taa an ṭawng hman kha a ni a, hetih hun lai vêla thuziak hmuh theih hlui ber chu Cædmon-a chhamhla ziak Cædmon's Hymn an tih ni a ni. Hei hi AD 658 - 680 vêla phuah a ni. Sâp ṭawng hlui hunlaia thuhlaril lungphùm pawimawh ber leh lär zui ta ber erawh chu Beowulf tih hlahril hi a ni. Hei hi a phuahtu hriatchianna a awm lo va, a phuah hun erawh kum zabi 8na leh kum zabi 11na chawhma lam inkar vêl nia chhût a ni[1]
Sâp ṭawng laihäwl
edit| Chanchin kimchang : Sâp ṭawng laihäwl thuhlaril
|
Kum zabi 11-na chawhnu lam leh kum zabi 15-na chawhnu lam inkar vêla an sâp ṭawng hman kha Sâp ṭawng laihäwl tia sawi a ni a. Hetih hunlai hian sâp ṭawnga baibul lehlin ṭan a ni a. Hetih hunlaia thuhlaril lama kutchhuak pawimawh ber tia chhàl ngam chu Geoffrey Chaucer-a tuanthu hlahril ziak The Canterbury Tales tih hi a ni.
Harhtharna thuhlaril
edit| Chanchin kimchang : Harhtharna hunlaia sâp ṭawng thuhlaril
|
(chhunzawm tùr)
- ↑ Tolkien, J.R.R., Beowulf: the Monster and the Critics. London, Oxford University Press, ph. 127-na