Wp/lus/Phekpui/Mizoram

Mizoram hi India ram hmarchhaka rambung (Sâp ṭawngin: state) pakhat a ni a; Laizawn pasarihte an tih zinga pakhat a ni. Kum 1987, ramtuk thlà ni 20 khan India rama a 23-na ni tùrin rambung puitlingah hlankai a ni. Rambung puitling a nih hmaa rorelna hmunpui ber Aizawl chu khawpui atana hman chhunzawm nghal a ni.

Sik leh sa

Mizoram sik leh sa hi thlasik laia vawt lutuk lo, nipui laia lum lutuk lo a ni a; thlasik laiin 7°C aiin a vawt ngai meuh lo va, nipui laiin 29°C aiin a lum ngai meuh lo bawk. Ṭomir thla aṭanga mimkût thlà thleng fùr a ni tlangpui a, hetihlai hian India tuipui lam aṭanga telphawk thli siperin ruah leh thliin hnianghnar takin a chawm deuh reng a ni. A rampum ruahtui tla chawhrual chu kum khatah centimeter 254 (inchi 100) vêl a ni a. Aizawl khawpuiah hian kum khatah cm 208 vêl ruah a tlâk laiin Lungleiah erawh chuan cm 350 vêl lai a tla ṭhin thung.

Km² 21,080-a zau a ni.

Ram leilung

Mizoram hi tlangram chhengchhe tak a ni a. Lui tam vak lo kama phaizawl zim tak takho tih loh chu phaizawl sawitlâk a awm meuh lo. Tlangdung lian pui pui 21 zet chhim leh hmar zawngin a inkhawh thlứr sung a, heng tlang dungte hi khawthlang lamah chawhrualin fit 3281 laia sang a ni a, khawchhak lamah sang chho tial tialin chhaklam tlangdungte chu chawhrualin fit 4300 dawn a lo ni chho ta a ni. Tlangchhîp sang ber chu Mizoram chhim-chhak lama Sangau khaw bula Phawngpui tlang a ni a, fit 7251 zeta sang a ni. Tlangchhîp sang zual deuh deuhte chu hengte hi a ni:

Lui lian sawi tham a awm lo va, Mizorama lui lian ber chu Chhimtuipui a ni. Luite hi tlangdung inkhawh dàn zawngin a luang hlawm a, lui lian zual deuh deuhte chu hengte hi a ni:

Dil lian deuh deuhte chu:

Ṭamdïl

Mipui

Mizoramah hian Zohnahthlâk hnam hrang hrang bâkah Chakma leh Gorkhali tamtak an cheng a; kum 2011 chhiarpuia a lan dànin Mizoram chhungah hian mi maktaduai khat vêl (mi 10,91,014) an cheng a, chung zingah chuan zohnahthlâk ni lo hnam dang hi zaa 12 vêl zet an awm a ni.

Zohnahthlâk zingah hian Lusei ṭawng hmang an tam ber a; chhim lamah Mara te, Lai te rorelna hrang neiin an khawsa. Hmar te, Paihtë te leh zohnahthlâk hnam dang tamtak an cheng bawk.

Sakhuana

Kum 2011 chhiarpuia a lan dànin kristian zaa 87 zet an awm a. Zohnahthlâk zingah Bnei Menashe mi leh sa tam tak an awm bawk.

Kohhran a tam êm êm a, chung zinga a lian deuh deuhte chu:

Mizoram ṭhenna

Mizoram hi district hrang hrang 8-ah ṭhen a ni a, chungte chu:

Districts

Lamtawi^[1]	Rambial	Hmunpui	Bial	Zauzawng	Mipui cheng zât (As of 2001^[update]Template:Wt/lus/DMCA)	Mipui bitzáwng
AI	Aizawl	Aizawl		3577	339,812	95
CH	Champhai	Champhai		3168	101,389	32
KO	Kolasib	Kolasib		1386	60,977	44
LA	Lawngtlai	Lawngtlai		2519	73,050	29
LU	Lunglei	Lunglei		4572	137,155	30
MA	Mamit	Mamit		2967	62,313	21
SA	Saiha	Saiha		1414	60,823	43
SE	Serchhip	Serchhip		1424	55,539	39
Total	--		--	21081	888,573	42

District dilna tharte

Thu lakna hnar

↑ "NIC Policy on format of e-mail Address: Appendix (2): Districts Abbreviations as per ISO 3166-2". Ministry Of Communications and Information Technology, Government of India. 2004-08-18. pp. 5–10. https://www.mail.nic.in/docs/MailService_e-mail_address_Policy_WithCodes.pdf. Retrieved 2008-11-24.

en[1]

[1] "NIC Policy on format of e-mail Address: Appendix (2): Districts Abbreviations as per ISO 3166-2". Ministry Of Communications and Information Technology, Government of India. 2004-08-18. pp. 5–10. https://www.mail.nic.in/docs/MailService_e-mail_address_Policy_WithCodes.pdf. Retrieved 2008-11-24.

[1]