Lei mawina tih hi Pu Rokunga hla phuah a ni. Hë hläah hian Pu Rokunga hian khawvêl mawina leh lei hringnun ral mai tùr uiawmzia a tilang a. A thunawnah chuan
Aw lei mawina thinlai tihlimtu,
Zantiang chhawrthlà leh siár ëng mawi;
Aw! Zing eng mawi leh tlaitla eng mawi,
Khuavêl damlai nunkhua tinuama'n lo vul rawh.
a ti a ni.
A hlä edit
Aw! Khawvêl puan ang a chul tùr hi,
Tinkim dawnin han thlir ila;
Aw! Hringnun par anga vul ṭhin hi,
Hmate'n zamual a liam tùr chu.
Aw lei mawina thinlai tihlimtu,
Zantiang chhawrthlà leh siár ëng mawi;
Aw! Zing eng mawi leh tlaitla eng mawi,
Khuavêl damlai nunkhua tinuama'n lo vul rawh.
Tlang sang, thingzar mawi leh phaizawla,
Suanglungpui leh luipui luang ri;
Vanrang chhum leh thlifim leng vêlin,
Khawvêl mawi hi hla mawi an pe.
Khuaṭhál lenkawl ni chhuak ëng rii riai,
Ṭuahpui par leh vau, phunchang par;
Chungtiang lenthiam kawlngo thla khawng ri,
Lei rawngbawl kut siam an lo ni.
I mawi mang e, piallei kan chènna,
Rianghlei tan par ang vul leh(emawvè) la;
Ṭahlai ni káwlkûngah liam zèlin,
Hlim lai ni par ang vul rawh se.
Thulâkna edit
- YMA Hla Bu, kum 1997 chhuak.