Wp/lus/L. Biakliana

L. Biakliana (1918-1941) hi Mizo zinga thawnthu phuah hmasa ber a ni a. Kum 18 mi lek a nih laiin thawnthu ngaihnawm tak "Hawilopari" tih chu kum 1936 khan a ziak zo va, a kum lehah thawnthu tawi "Lali" tih a phuah leh a. Thawnthu ziak kawngah Zofate zingah kutchhuak ṭha pangngai nei hmasa a ni a, a kutchhuakte pawh hian belhchian a dawl hle.

L. Biakliana
A thlalâk
[[File: |px|]]
A chanchin tlangpui
Hming	L. Biakliana
Pian kum	Kum 1918, [[Wp/lus/Thiṭin thla|Thiṭin thla]] ni 26
Eizawnna	Ziakmi
Thih kum	Kum 1941'
Sülhnu lam
Kutchhûak	Lali (thawnthu täwi), Hawilopari, Chunnu (chhamhlä), Hmarah ṭopui a hním (chhamhlä)
Hriat hlawhna ṭhenkhatte
Mizo zinga thawnthu phuah hmasa ber

A chanchin tawi

L.Biakliana hi Saitual khuaah kum 1918, Thiṭin thla ni 26 khan Tirhkoh Liangkhaia leh Ngurchhuani te nupa inkarah a lo piang a. Lehkha thiam thei tak a ni a, vanduaithlak takin tunlaia pawl 11-12 ang chi I.A.(Intermediate of Arts) a zir laiin ngawr natna a vei a, a zirna a chhunzawm thei lo va. Chu natna chu a thihpui ta nge nge a ni.

A hun lai chuan Mizo zinga lehkha thiam ber pawl a ni ve hrim hrim a, a kalna apiangah mite ngainat leh ngaihsan hlawh tak a ni.

Kutchhuak

Kum 18 mi lek a nih laiin thawnthu ngaihnawm tak Hawilopari tih chu kum 1936 khan a ziak zo va, a kum lehah thawnthu tawi Lali tih a phuah leh a.

L.Biakliana hi thawnthu phuah thiam leh khawtlang tana mi tangkai a ni satliah mai lo va, chhamhla phuahtu a ni. A hla lehlin leh phuahte hi 25 vel a ni. Pathian fakna hla lamah kutchhuak a nei bawk. A chhamhla phuah larzualte chu:

1. Chunnu,
2. Hmarah ṭopui a hnim,
3. Hmangaihna dik,
4. Sumdawngpa Vanduaina,
5. Ka Nu Thlan

tih te a ni.

Thulâkna

• Chawngthu, Tluanga, Mizo Thuhlaril Hmasawn Dan - Part 3, misual.com thuziak [[1]]
• Khiangte, Laltluangliana, Mizo Hla Leh Chhamhlate, L.T.L. Publications, Aizawl, chhuah 1-na, kum 2009.
• Khiangte, Laltluangliana, Biakliana Robawm, L.T.L. Publications, Aizawl, chhut 2-na, kum 2007.