"Krista Kohhran Dik" hi mahnia ding Kohhran kum 1917-a Beijing, China-a din a ni. Tunah hian mi leh sa maktaduaih 2.5 vel khawmualpui paruka ram sawmli leh pariatah an awm mek a. He kohhran hi Thlarau hruaia kal (penticostal) niin kum zabi sawmhnihna tir lama lo piang chhuak kha a ni. 1932 khan India-ah pawh din ţan a ni. An tum ber chu Isua Lokal Vawi Hnihna hmaa hnam zawng zawngte hnena Chanchinţha hril a ni. He Kohhran thurin sawmte chu:
- Thlarau Thianghlim: "Tiam anga Thlarau Thianghlim kan chan, ṭawng hriat lohva ṭawnga inpuang chhuaka chu Vànram rochungtute kan nihna tihchianna chu a ni."
- Baptisma: "Tui hmanga Baptisma hi sualte ngaihdamna leh intuaithar lehna zanriah thianghlim a ni a. Baptisma chu leilung pianpui tuinung - lui te, tuipui te leh tuihnà angahte tih ṭhin a ni. Baptistu, tui leh Thlarau Thianghlima baptisma chang tawhtu ngei chuan Lalpa Isua Krista hmingin a baptis a. Baptis tùra chu tuiah kuntirin a taksa puma hnimphùm tùr a ni."
- Ke Sil: "Ke silna serh leh säng thianghlim hian Isua Kristaah chanvo mi a neihtir a. Mite hmangaihna, thianghlimna, inngaihtlàwmna, ngaihdamna leh rawngbàwlna nei reng tùr kan ni tih min hriat nawntir tu a ni bawk. Tuia baptisma changtu apiangin Isua Krista hmingin ke a siltir bawk tùr a ni. A remchànna apiangah ke insilsak tawnna pawh neih ṭhin tùr a ni."
- Inpawlna Thianghlim
- Sabbath Ni
- Isua Krista: "Isua Krista, Thü Tîsaa changa chu, misualte tlanchhuah nan thing chungah a thi a, a ni thum niah kaihthawha awmin vànah a láwn tâ a. Amah hi hringfate Chhandamtu awm chhun, lei leh vàn Siamtu leh Pathian dik awm chhun a ni."
- Pathian Lehkhabu Thianghlim: "Pathian Lehkhabu Thianghlim, Thuthlung hlui leh Thuthlung thara ṭhen hi Pathian thâwk khum a ni a, thuziak thianghlim dik awm chhun niin Kristiante nun intehna büklung a ni."
- Chhandamna: "Chhandamna hi rinna kaltlanga Pathian zahngaihnaa pêk a ni a. Ringtute chu thianghlimna kawng zawh tùr te, Pathian chawimawi t̀ur te leh hringfate hmangaih tùrin Thlarau Thianghlimah an innghat tùr a ni."
- Kohhran
- Ni Kin Nia Rorelna: "Isua Lo Kal Lehna chu khawvêl ro rèl tùra Ni Hnuhnünga vàn aṭanga a lo chhuk leh hunah a lo thleng ang: mifelten chatuan nunna an chang ang a, misualte erawh chu chatuana thiam loh chantírin an awm ang."