Wp/lus/Kan sawmfang dum dur

< Wp‎ | lus
Wp > lus > Kan sawmfang dum dur

Kan sàwmfáng dum dùr hi Pu Rokunga hla phuah a ni.

A hlä edit

Vawiin chuan ramṭuan kan rel e vangkhaw zauvah, Lawm lungrual kan ngir e, chhuahtlang mual mawiin; Kallai relin lamtluang kan zawh vangkhaw dalah, Tin, kal zelin chawlhna hmun tlang kan thleng ṭhin; Tahchuan ka han thlir a, a lang e kan sawmfang dum dur, Kiva léng rual murva te leh thlakawi an leng e; Hmatiang hlen tur lawm lungruala sir kan sawnna, Leh kan bukthlam sawngka dawhrem tläitlàn nen.

Kallái rélin luipui kam chu kan zuk thleng a, Siktui thiang dawn zaa sakuang kan bualna; Tahchuan nilen chàm ka nuam e chhuihthangvalan, Mahse kan sawmfangte chuan min lo au ve; Kawltu chawiin kal lai rel i lawm luengrual zawng zawngten, Kan sawmfang bukthlam runhmun chu kan thlen hma loh chuan; Siahthing zar lo awiin huiva hram thiam zai leh, Lentu kar lel zaiten min lo au mah sé.

Tin kal zelin bukthlam hmun chu kan han thleng a, Chhuntiang, zantiang dawna thinlai lunglenna; Lawm ru kan sawmfang hring del a lo eng ṭan ta, A mawi zual e, rairah thinlai min hnemtu; Mahse hma te’n tukram chul hnu a lo chang leh mai tur; Tinkim dawna tan chang lung tileng zual tur reng hian, Ka vau maurua, thing lenbuang leh siahthing zarah; Mimsirikut, ṭhuvate’n zaiin lo awi. (in lo awi,

Mimsirikut, ṭhuva te’n zaiin lo awi.)</poem>

Thulâkna edit

  • YMA hlabu, kum 1997-a chhuah.