Ṭhenphunga Sailo (1 January 1922 – 27 March 2015) hi India Sipai Pâwlah Brigadier a ni a, a vawi hnihna leh vawi hnih chu Mizoram Chief Minister a ni. Mizorama politikal parti lian bêrté zïnga mi, Mizoram People's Conference siamtu a ni. Sipai a thawh chhunga mihringte ṭanpuina hna a thawh avangin Ati Vishisht Seva Medal (AVSM) leh Padma Shri dawngtu a ni a, a dam chhunga a hlawhtlinna avanga Mizo Award dawngtu a ni bawk.
Ṭ. Sailo hi Lunglei district-a Ṭhuampui khuaa Mizo lal pakhat Vanchheuva fapa a ni. Serkawn Middle English School, Shillong High School (Meghalaya-ah), Kolkataa Serampore College-ah te a zir a. Kolkata Zirnasâng aṭangin Intermediate of Science (higher secondary level) certificate a hlawh chhuak a ni. Indopui II-naa thawk tùrin Sâp Sipai Pâwlah a lut nghal a ni. Kum 1942-a Second Lieutenant atana lak a nih hnuah Mizo mipui zinga sipai officer hmasa ber a ni. Kum 1974 khan Brigadier rank nen a chawl a, chutih lai chuan a pianna state chu politikal insurgency-in a tichhe nasa hle a, rei lo teah mihring lam hna a thawk tan a, Human Rights Committee a din a, chu chu political party pawm hlawh People’s Conference-ah a siam ta a ni.