Gor Mahia en tim mar opira mar adhula midendo gi Dholuo ni K'Ogalo motenore e i boma ma Nairobi, Kenya. Giseloyo piem ma Kenyan Premier League di 19 to bende giseloyo FKF President's Cup di 11. Gi ne tim moya Kenya moseloyo e piem mar Afrika, kanegi loyo African Cup Winners' cup e higa 1987 bang' chopo e final e higa 1979.
Tim no ne ochaki ayanga e higa tarik 17 dwe mar ariyo 1968 bang riwruok mag timbe mag Luo Union gi Luo Sports Club (Luo Stars) ma giloyo national league e higa mokwongo no. Moko kwom jotendgi mokwongo ne gin Tom Mboya gi Jaramogi Oginga Odinga. Kata kamano, tim no ne ochaki chon, e higa 1915 to ne gi tugo e piem ma Kenya ma yimbo. Timbe mopogore ne otiyo gi nying ni e kidienje mopogore.