Nitie tiend doho ariyo ma onego ng'ato, ng'e ka otudore gi oganda mar Luo.
Doho ma okwongo tiende en - Kar ng'ado buche ma opogore opogore ma itimo gi jong'ad bura e doho kanyo.
Tiend doho mar ariyo en - Bedo gi mon ma okalo achiel e keny.
We mondo wawuo kuom Doho mar ariyo mar bedo gi mon ma okalo achiel e keny.
Doho Mar Keny.
editMa e okang' ma ng'ato bedo e keny e yor ked gi dhako ma okalo achiel. Dichuo ma ni e keny ma kamano en iluonge ni Jadoho.
1) Dhako ma okwongo e keny mar doho iluongo ni Mikayi. En e dhako ma dichuo ma ja doho kuongo kendo.
2) Dhako mar ariyo en iluonge ni Nyachira. En dhako ma dichuo medo bang' kendo dhako muongo. Ne ikende kaluwore gi weche moko ma otudore gi dak mar dichuo kod dhako mokwongo . Gik ma di mi dichuo kend dhako mar ariyo gin kaka;
- Mikayi ok nyuol kata ochako nyuol to obedo gi pek mar dhi nyime gi nyuol.
- Mikayi nyuolo nyithindo ma chuech achiel kende to ahinya to nyithindi ma nyiri.
- Dichuo ni gi pith ma ngeny to tich bedo mapek ne dhako achiel.
- Dichuo ni gi paro mar bedo ruoth kata jatelo e kind ogandane
Mikayi ne nyalo kelo ne chuore nyako kata bedo ja wang' yo e keny mar chuore gi Nyachira ahiyo to ka ne en gi pek e weche mag nyuol. Ma ne nyalo timore ka.
3) Dhako mar adek iluongo ni Reru.