کارتون‌جاپونی (و جاپونی: アニメ|آنیمه) (و لاتین: Anime) یا انیمه سبکی د طراحی وا دس و جونشت (انیمیشن) رایانه‌ای ها که ورسگه‌ش جاپونٛ بیه و معمولا د مبنای مانگا آلشت موئه. کارتون‌جاپونێا خاصیتێایی د گل نخاشێا رنگ‌رنگی، شخصیتێا تش‌گرته، قصه‌نی هومراه وا قی و جنگجا و پُردش با موضوعێا خیالی که دمین آینده اتفاق موفتن، داشتو.
تعریف و کاررت
editکارتون‌جاپونی سبکی خاصِ‌خوش ها.[1]
درباره ریشه نومچی انیمه قیایی هێ. اصطلاح انگلیسی «انیمیشن» د کاتاکانای جاپونی چنینٛ アニメーション (آنیمِشون) نوشته موئه و アニメ (آنیمه) شکل کوله‌بیه یه ها. بشنی د منبعێا ادعا می‌کن انیمه د اصطلاح فرانسوی انیمیشن، dessin animé، گرته بیه ولی دیگرونٛ هان د ای باور که ای قضیه ها افسانه. د زۊن فرانسوی anime صفتی ها ومعنی جوندار و متحرک. دمین انگلیسی، انیمه (وختی وجا نومی مصطلح آلشت بوئه) معمولاً حالت نوم جمع داشتو. دما آلشت گشن‌گیر نومچی انیمه، اصطلاح ژاپنیمیشن د دهه‌یل ۱۹۷۰ و ۱۹۸۰ رایج بی. د اواسط دهه ۱۹۸۰ نومچی انیمه کم‌کم جا ژاپنیمیشنه گرت. به‌طور کلی، در حال حاضر نومچی اخیر تنێا سی تشخیص و اشاره به انیمیشنێا جاپونی و کار روئه.[2]
نومچی انیمه گهگداری نقد هم بیه؛ مثلاً د سال ۱۹۸۷ هایائو میازاکی گت که د ای اصطلاح متنفره سی ای خاطر که وشکلی به رمبسن صنعت انیمیشن جاپونٛ اشاره می‌که. هو ای رمبسنه وا انیمیشن‌کارونٛ انگیزه‌نار ولی پرکار یکی دونست که با تکیه و یک پیکرنگاری ثابت د ویژگێا ری و اغراق دمین حسێا حرکتی طراحی می‌کن ولی قیلی، کمال، احساس یا وسر د کار ونونٛ دیده نموئه.[3]
تاریخچه
editزنه‌نمایی ۳ ثانیه‌ای کاتسودو شاشین وعنوان نخستین انیمهٔ جاپونی ویر موئه. نوم سازنده و سال ساخت پویانمایی کاتسودو شاشین مشخص نێ.
نمونه‌ای د انیمه، د دس چپ نمونێایی د انیمێا قدیمی ها و د دس راست نمونێا نِوینتر، به فرقێا دقت بکیتونٛ.
تاریخ انیمه د اولێا سدهٔ ۲۰ آغاز موئه که فیلم‌سازونٛ جاپونی با نومچی انیمیشن که او زمونٛ د کشورێایی چی فرانسه، آلمان، ایالات متحده و روسیه آلشت می‌بی آشنا بین. کاتسودو شاشین، که انیمه‌ای ۳ ثانیه‌ای د یک کشتی‌رونٛ د سال ۱۹۰۷ ها، قدیمس‌ترین انیمه ها. ورعسک آمریکا، فیلمسازی جاپونٛ وصورت سازمانی کچک بی که با مشکلێایی د قبیل کمبود بودجه، جا و تنگناێا دس‌ومل بی. وا مطرح بین انیمیشن، هترمندونٛ قادر به آلشت هر نوع شخصیت و صحنه‌ای بین. د گذشت دهه ۷۰، درصد محبوبیت مانگا فره بالا رته بی که معمولاً بعداً انیمیشنی ور اساس ینونٛ هم آلشت می‌بی
- ↑ "Anime". Merriam-Webster. 2011. Retrieved March 9, 2012.
- ↑ Patten 2004, pp. 69–70.
- ↑ Miyazaki, Hayao (July 31, 1996). "日本のアニメーションについて" [Thoughts on Japanese Animation]. 出発点 1979~1996 [Starting Point 1979~1996]. San Francisco: Viz Media. pp. 72ff. Template:Wp/lrc/ISBN. Retrieved December 16, 2013.