Listwa çé in paròl ki moun sèrvi dan dé diféren manyé. En jénéral, li sèrvi pou désinyé tou zafè ki dja pasé.
Listwa osi sèrvi pou parlé pou in syens moun spésifik ki travay pou kompren rélasyon ki ègzist ent diféren tèkst ki parl pou pasé. Dan sen-çila, pa toukèkin ki parl pou zafè pasé çé konsidéré in listoriyin.
Ina enkòr dòt signifikasyon ki konèkté avèk prèmyé définisyon. Défwa, paròl "listwa" ka sèrvi pou parlé pou zafè ki pa pasé dan lavèrité mé manyé yé rakonté semblé manyé moun rakont vré listwa.