Wp/lkt/Pȟahíŋ

< Wp‎ | lkt
Wp > lkt > Pȟahíŋ

Pȟahíŋ kiŋ wamákȟaškaŋ héčhapi.

Pȟahíŋ (Erethizon dorsatum)

Tókhel owáŋyaŋkapiEdit

Natá čík’alapi na nakpá čikčík’alapi. Phuté ptéčelapi na hú pteptéčelapi éyaš š’agš’ákapi. Ité sápapi na nakúŋ ištá sapsápapi. Ištá mimémelapi na čikčík’alapi na nakúŋ í čík’alapi. Napsú tópapi na siókaza záptaŋpi. Híŋ ǧiǧípi naíŋš ȟolȟótapi. Líla hiŋšmášmapi na pȟahíŋ pȟepȟé ótapi. Siŋté háŋskapi na šaké háŋskaskapi na škoškópapi. Naháŋ nakúŋ pȟahíŋ kiŋ sičámnapi.[1]

Tókhel ophíič’iyapiEdit

Aŋpétu čháŋna šna pȟahíŋ kiŋ naȟmá ištíŋmapi na haŋhépi čháŋna šna ománipi na šna wóyute ignípi. Pȟahíŋ kiŋ líla taŋyáŋ čhaŋ-álipi na waŋkátuya čháŋ akáŋlkaŋl šna yaŋkápi s’a. Nakúŋ pȟahíŋ kiŋ taŋyáŋkel nuŋwáŋpi. Pȟahíŋ wíŋyela kiŋ čhiŋčála waŋžíǧžila yuhápi.[1]

Táku yútapiEdit

Pȟahíŋ kiŋ hitȟúŋka héčhapi. Wétu na blokétu čháŋna šna waȟpé na čhaŋsákala na waptáye kȟó yútapi, naíŋš táku watȟóka ke éyaš. Waníyetu čháŋna šna čhaŋhá mahétaŋhaŋ yúl awáštelakapi. Líglila ȟ’aŋhíya šna wótapi. Iyótaŋš wazí čhaŋhá mahétaŋhaŋ waštélakapi. Na nakúŋ líla mniskúya waštélakapi na wétu čháŋna čhíŋkpa na waskúyeča yútapi.[1]

EtáŋhaŋEdit

  1. 1.0 1.1 1.2 Ullrich, Jan et al. 2012. Lakȟótiya Wóglaka Po! - Speak Lakota! Level 4. Bloomington, IN. pp. 112 - 117