Wp/lkt/Čhaŋnúŋpa Háŋska Luger

Cannupa Hanska Luger (naíŋš Čhaŋnúŋpa Háŋska Luger) wakpázo s’a héčha.

Ičháǧe kiŋ

Cannupa Hanska Luger oyáŋke waŋ Íŋyaŋ Woslál Háŋ él yaŋké kiŋ Akíčhita Háŋska eyápi kiŋ ektá tȟúŋpi. Húŋku kiŋ Kathy Whitman é na atkúku kiŋ Robert "Bruz" Luger ewíčhakiyapi. Henáos iȟpékičhiyapi kiŋ ohákab húŋku é na wičhówe kiŋ ób Phoenix, Arizona ektá iglág í. Blokétu čháŋšna atkúku pteyúha-othí él glí s’a.

Wópazo waŋ Cannupa Hanska 2011 háŋl Marie Watt kičhí káǧe kiŋ Eačh/Other eyápi kiŋ

Wayáwa

2011 háŋl Cannupa Hanska Institute of American Indian Arts etká wóuŋspe ékihuŋni.

Wičhóȟ’aŋ

Wičhóȟ’aŋ eyá káǧe kiŋ líla iyúkčaŋphiča. Tȟaspáŋ Tȟáŋka na Ȟeská Otȟúŋwahe na makȟásitomniyaŋ uŋmá owápazo ektákta wičhóȟ’aŋ eyá káǧe kiŋ hená pazópi. Waŋží Every One čhaštȟúŋ na hé pšitȟó 4,000 etáŋ káǧe. Pšitȟó kiŋ lená wíŋyaŋ íŋš wičhíŋčala manúŋpi kiŋ wičhákičiyaŋke.

Hó nakúŋ wičhóȟ’aŋ káǧe kiŋ uŋ wóyuonihaŋ óta ohíič’iye. 2022 háŋl Guggenheim Fellowship in Fine Arts ohíič’iye.