زلیخام سردا
editزلیخام سردا زلیخام سردا چه ن اقرار کردی هر گشت وه سردا
دروزن ژه حق روسیاه گردا «چن فردا ویه رد هر ماچین فردا »
یه چه مه کریوه ن دل سخت و مهر گرم روژ رفیق راز شو بی شرط و شرم
سه مانگ زمستان سزای سرد و گرم من په ی تو کیشام چوی پاسیار ته رم
دل وه ریش نیش طیش آگر دا «چن فردا ویه رد هر ماچین فردا »
باز وهار آما اقرارت آورد وهار چی ژه سه ر بی وه گنگر زرد
سیفی سروه س بی سنبله گل کرد نوشاوا نوش بی جو آما وه حورد
گلان بر باد بین دار گشت ثمر دا «چن فردا ویه رد هر ماچین فردا »
تاوسان ری بی گنم خرمون بی هنگته ،که ، دخان جو جمله شن بی
نطقه قوچ و میش مالیان بن بی ایلاخ چی وه سه ر ایلان ورکه ن بی
ماله ژیر که رده ن ایل وه زور دا «چن فردا ویه رد هر ماچین فردا »
تا فصل سرما خزان خروج کرد ریزا ژه رضوان برگ و بار زرد
ژه تاثیر دی ینبوع یم ویه رد هاوا نیشت او برج تلخ و تند و سرد
من هه ر هام او داغ درین پر دردا «چن فردا ویه رد هر ماچین فردا »
وخته چوی صنعان بیزار بوم ژه دین یا فرهاد آسا آواره ژه چین
ژه عشق معشوق مه لقای شیرین هیهو که م او کاو قوله ی بی ستوین
مات و مازده واو تاش سردا «چن فردا ویه رد هر ماچین فردا»
پرویز لال پوش
editپرویز لال پوش پرویز لال پوش من فرهاد آسا سنگ تیشی سر پوش تو گلشا گلرخ گل باخچه ی ارم من ورقه ی ورین دروین پر وره م تو همایون حکم من او بن عم به ن من چوی سعد سودای عشقت گیانم سه ن تو بدیع جمال ذریه ی پری من سیف الملوک په ی تو سرسری تو عیسا انفاس بن مریم بشر من ناقوس نواز لا اثنی عشر تو صنمبر نام بن قاضی کشمر من مجروح منکر خاک بانان بر چوی بهرام نمد برگ اعضامه ن چه ن وخته پای ارک «گوله نام »جامه ن ار مسلمانین وه سوره قرآن وه ذات قادر بی چون و برهان ار شیعه ین وه ذکر الله اکبر وه نظم نماز رسول اطهر اگر جهودین وه سوره ی تورات کلیم و سینا مدح و مناجات اگر مسیحین وه مهر مریم وه نص انجیل عظام اکرم ار ای داودین وه حکم زبور خلیفةالارض لاریب و قصور ار صحف مذهب خلیل صبور تا نار نمرود جنت القصور ار صنم خواهین ژه صمد بیزار بری ژه برهان غفور غفار ار سنی مذهب ترویج و تکرار لا قیدین ژه حکم محمود مختار ار ژای مذهبان گشت میلت سرده ن یقین اختراع یه ی دینت که رده ن سوگندت وه دین جدید پنهان رحم که ر وه ی مجنون جبالان مکان بو تاری ژاو زلف ما طبرزد تر چلیپای بیم دیز چتر «بورچین» پر احسان که ر وای قیس لخت شوم چاره بخیه که ر ای قلب چاک صد پاره