الفبای شعر edit
الف-ابتدای اسم بی چونت / وه بیچونی ذات غایبی شونت ب-وه بنای تاق کعبه میمونت / وه برق قنیل برق ستونت ت- وه تولای وصی پیغمبر / وه بانگ تکبیر الله اکبر ث- وه ثابتی ذات بی عیبت / وه ثبوت ذات بی عشوه و ریبت ج- وه جامه ی پاک فاطمه بتول / وه جبهه سبطین بوسه گای رسول ح- وه حاملان عرش پر نویرت / وه تاق و رواق بی خشت وتیرت خ- وه خادمان استاده درگات / وه خطبه و اوراد شام و سحرگات د- وه درویشان راه حق شناس / ذ- وه ذکری صوفیان صاف ر- وه رسولان صاحب کتابت / وه امر معروف نهی و آدابت ز- وه زواران رای بیت الحرام / وه مجاهدان ارض کوفه و شام س - وه سرمستان باده طهورت / ژه سرٌ وحدت مدام مخمورت ش- شونشینان عبادت شعار / ژه ترس پاداش تا سحر بیدار ص- وه صادقی اولیای نیکو / وه موحدان ذکر و یاهو ض- ضیاء فیض گوشواران عرش / وه مجاوران عرش اطلس فرش ط- وه طوف بال روح الا مینت / ظ- وه ظهیران دین مبینت ع- وه عاصیان نادم ژه افعال / رحیم و رحمان دانای ذوالجلال غ- وه غریبان بی ماوا و مالت / حیران ژه قدرت قدر و جمالت ف- وه فانیان فوز اسرارت / وه فوز عظیم روژ شمارت ق- وه قادری قدرت یکتات / وه قدر رسول مدینه ماوات ک- وه کتابات مصطفی وکلیم / وه اسم اعظم رحمان و رحیم ل- وه لاقیدان دنیه فرموشت / زاد و راحله عقبی نه دوشت م- وه منادی روژ حساوت / وه محاسبات نص و کتاوت ن- وه ناصران نصر سرمدی / نصر من الله لوای احمدی و- وه ولایت ولی مطلق / ه- هادی حی قائم برحق ل و الف لام سوره اخلاصت / ی- وه یاوران ژه عصیان عاصت یا حق وه حرمت بزرگواریت / هم وه مستوری پرده ستاریت من عبد ضعیف گنه کاریکم / ژه افعال ویم شرمساریکم نشان نامم وه هفت حروفه ن / وای هفت حروفه نامم معروفه ن میم و حاء و میم ،دال محمدن / عصیانم ژه ریگ بحر و بر رده ن ت- تولای من حب علیه ن / علی ژه انوار حق منجلیه ن ق- وه قیامت هر هانه ویرم / چراغ روشن دیده ضریرم ی- وه یادم بو ارشاد رسول / توبه و انابه م بکه رین قبول حق الناس خلق هانه گردنم / کاهل نماز ی فربه گردنم بو خشم و حق سید و سجاد / نجنی انی یا رب العباد