Perinsip umum
edit- Tisaranko guwai kughuk log semangkung kuti ghumpok mulai ngedandan.
- Tisaranko nihan guwai ngemula halaman jak pranala sai ghadu wat. (wat sai gelaghni "pranala hantu (ghost links)" atawa "pranala suluh (red links)" -- pranala sai ghadu tiguwai pada tulisan, kidang mangkung wat artikel sai ngejelasko. Liyak keterangan lebih munih di bah.
- Haghop tiingokko guwai nyajiko kuntéks, iyulah nulisko pengantak buttak di mamula artikel. Dang nulis "Sinji nupel ketelu jak..." -- sementagha di Kuti ghumpok halok ghadu nutuki pranala jak nupelis ténar X, pembaca baghih halok ghatong mit halaman sinji jak halaman baghih.
- Pelajaghi kunpénsi penggelaghan Wikipédiya semangkung ngegelaghi salah sai halaman ampai. Penggelaghan sai temon ngejamin halaman Kuti ghummpok bakal dikaitko jama halaman sai buhubungan, ghik nulung ngehindaghi perubahan gelagh di masa meghatong.
- Mulailah jama kalimat sempurna (genok), ghik lain gegoh depinisi di kamus. Tonjolko kalimat atawa kata sai ngenjadi gelagh artikel di mamula artikel (umumni di kalimat mula).
Cagha-Cagha ngeguwai halaman ampai
editNgemula halaman ampai jak pranala sai ghadu wat, seghadu nyanini, atawa seghadu nyepok'i.
editGuwai nyani halaman ampai, Kuti ghumpok dacok makai pranala sai ghadu wat di salah sai halaman.
Pranala-pranala daloman sai nuju halaman-halaman sai mangkung wat biyasani tiguwai di lom proses persiyapan halaman, ghik/atawa guwai ngedorong jamma baghih guwai ngemulani. Pranala-pranala sinji biyasani buwarna suluh.
Micitko pranala gegoh sinji bakal ngusung Kuti ghumpok mit mode ngedandani halaman ampai.
Semangkung micitko pranala ngedandan, putusko apiya kuti ghumpok haga ngeni halaman ampai sina gelagh artikel. Kik mawat, dandan pai pranala sai wat di halaman sai ngerujukni.
Kuti ghumpok tantu gawoh dacok nyani pranala nenggalan, di halaman sai busangkutan atawa di halaman indéks. Najin Kuti ghumpok bacak nyani pranala seghadu bérés nulis halaman ampai, ghususni kik pranala sina haga ngegantiko salah sai pranala sai nuju mit halaman sai ghadu wat. Di lom situwasi gegoh sinji, Kuti ghumpok dacok nyani pranala kidang dang micit ''Sepon halaman" kidang makai "Liyak pratayang" pai (maghai dacok mastiko bahwa pranala sina dacok tipakai).
Musti tiperhatiko munih bahwa pranala-pranala pada halaman sai busangkutan nyani napigasi antagha halaman jadi lebih bangik, ghik munih nyani jamma pandai bahwa watni halaman ampai sina.
Ngemula halaman ampai anjak URL
editKik Kuti ghumpok ngetikko URL (jenganan internét) Wikipédiya sai mangkung ngedok isi/inpormasi, Kuti ghumpok bakal ngehalu salah sai halaman sai nampilko lohot gegoh sinji.
Kuti ghumpok dacok ngendandani halaman sina jama micitko ''dandan'' di bagiyan unggak halaman.
Cagha sai bangik guwai nyani URL ampai iyulah jama ngedandani bagian aghir URL guwai artikel baghih di lom proyék sai gegoh.
Misalni:
editKuti ghumpok makai URL halaman Lampung sai bujenganan:
https://incubator.wikimedia.org/wiki/Wp/ljp/Lampung
Liyu kik Kuti ghumpok ngemula halaman ampai jama gelagh artikel "Halaman Ampai" ganti bagiyan belakangni jama:
https://incubator.wikimedia.org/wiki/Wp/ljp/Halaman_Ampai
Ngeguwai pranala mit halaman baghih
editKala Kuti ghumpok ngedandani salah sai artikel, kik wat suwatu kata atawa prasa ngejelasko bahwa peghlu wat artikel nenggalan guwai ngejelaskoni lebih laju, keni gawoh ghuwa kughung siku di sisi-sisini, [[gegoh sinji]]. Gham sebut gawoh sebagai pe-"wiki"-an tulisan. Seghadu Kuti ghumpok nyeponko artikel jinna, maka kata jinna secagha maklumteduh bakal dikawikko jama artikel baghih sai ghadu wat, atawa bakal jadi sai kawik buwarna suluh gegoh sai tijelasko di unggak, iyulah ngemungkinko penambahan artikel ampai. Demikiyanlah cagha jitu guwai nulis artikel.
Ngemula halaman sai ampai nihan
editKik Kuti ghumpok haga ngeguwai sai halaman sai ampai nihan, wat helauni nyepokni mena makai kutak "Sepok" (liyak bagian kighi halaman sinji misalni) ghik liyak apiya mangkung ngedok nihan jamma baghih sai ghadu nyani jama topik sina atawapun sai gegoh.
Sepoklah halaman sai sejenis, lajuni Kuti ghumpok mak peghlu nyani sai ampai, atawa halok munih Kuti ghumpok cukup nyani penghaguk (redirection) mit éntri sai ghadu wat jinna. Cuttuhni kik Kuti ghumpok haga nulis éntri Soekarno atawa Sukarno, bang kighani ghadu wat éntri Soekarno gegoh jama sai Kuti ghumpok maksud, tubas mak peghlu nyani sai ampai, cukup masang halaman pengawik (redirection page).
Kighani mangkung wat sapa pun sai nyani halaman jama subyek sai Kuti ghumpok maksud, payulah sepok topik-topik sai rélépan (seghingkali kategori umum, gegoh Pendidikan, atawa Olahghaga), dandan halaman sina, liyu (di ghang sai sesuwai) tambahko gelagh artikel sai Kuti ghumpok haga sani jama cagha ngebatokko ghuwa pasang kughung siku, [[gegoh sinji]]. Liyu picitko tombol "Sepon halaman" di bah halaman. Di halaman sai ampai gawoh Kuti ghumpok dandan bakal keliayakan pranala buwarna suluh sai dacok dipicitko atawa dacok munih luwak tanda tanya (bugantung jak préperénsi sai Kuti ghumpok pasang); picitko di ghang sina ghik mulailah ngeghjako halaman sina! Kebiyasaan sai helau sinji bakal ngejaga énsiklopédiya tetop tersetruktur ghik rapih.
Saran penulisan Bahasa Lampungni
editUlih sinji iyulah Wikipédiya Bahasa Lampung pesisir, tantu gawoh sunyinni artikel musti bubahasa Lampung Pesisir (Dialék A) ghik mak dacok campogh-campogh, kecuwali kik kata sina mangkung ngedok di Bahasa Lampung. Sunyinni kata serapan anjak bahasa baghih musti di-"Lampung"-ko kenyin selapahan jama atoghan Bahasa Lampung pesisir. Cuntuhni hurup gegoh "v, f, z, x, q" musti tiganti jama hurup baghih sai akogh. Liyuni, sunyinni pelapalan /kh/ tantu gawoh musti titulis jama /gh/ kenyin kunsistén. Ulih Bahasa Lampung ngedok ghuwa macam hurup e, musti tibidako jama /e/ gegoh di kata "pedom" ghik /é/ gegoh di kata "gelégh". Diptong /ia/ sai tihalu ditengah kata peghlu titambahko /y/ ditengahni, cuntuhni "Wikipedia" jadi "Wikipédiya". Berlaku munih jama /oa/ -> /owa/, /ua/ -> /uwa/, /ao/ -> /awo/, /ai/ -> /ayi/, ghik layin-layin.
Ulih Bahasa Lampung mangkung ngedok bahasa bakuni, saran-saran sinji mak musti titutukko secagha mutlak, kidang hunjak helauni kik tipakai kenyin kunsistén.
Guwai Halaman Ampai
editInggal pemakai sai terdaptagh dacok nyani halaman ampai di Wikipédiya! Ketiklah gelagh artikel sai haga Kuti ghumpok tulis di kutak di bah sinji, picitko "Guwai Artikel", ghik mulailah nulis.
Tombol sina bakal ngusung Kuti ghumpok mit halaman ngedandan guwai ngughukko tulisan. Kik gelagh artikel sai Kuti ghumpok kughukko mangkung ngedok, lajuni Kuti ghumpok bakal ngedandan halaman ampai. Sebalikni, kik ghadu wat artikel jama gelagh sina, isi artikel bakal ditampilkko ghik Kuti ghummpok dacok ngedandan halaman sina.
Wat helauni guwai ngebaca prinsip-prinsip umum sai bulaku di Wikipédiya semangkung Kuti ghumpok mulai nulis. Baca munih petunjuk ngedandan suwatu halaman guwai pelajaghi markah (markup) wiki saii dacok Kuti ghumpok pakai lom kutak dandanan.