| Mõtsātikā Capreolus capreolus | |
| |
| Vōlikšimi | Jelāid Animalia |
| Phylum | Sǟlgakordajelāid Chordata |
| Klas | Imtijizt Mammalia |
| Order | Sȭrga-jelāid Artiodactyla |
| Aim | Irš-jelājd Cervidae |
Mõtsātikā um ikš lūom sȭrga-jelāid seļtšõs. Mõtsātikā um Leţmōl ikš amā irdimizõst mõtsā-jelāišti.
Nägu edit
Mõtsātikān um kievām kejā un viššõd, bet pīentizt jālgad. Lemmõdõn āigast āigadõn um mõtsātikā kōrakat punliki brūni, tallõ ōgliki. Iziži mõtsātikidi nutābõd bokādõks, jemizt āt kievāmstiz tikād. Bokād kāndabõd sūŗimiz jag āigast āigal kōd-arlimiži sōridi, missõks sūrslõbõd aildõb-āigal.
Tuoitõmi edit
Sõvvõ sīeb mõtsātikā amā saggõld āina-stōdidi, tallõ oksidi ja pū-võzidi.
Jelāmizvīš edit
Jūlij lopāndõksõst august lopāndõks sōņõ um mõtsātikād aildõb-āiga. Sīel āigal um kūlō bokād vegīži uttõmizt ja tikād vaggõ kiuvņimist. Až kakš bokkõ sōbõd kubbõ, vaņtlõbõd ne īdtuoiz sōridi, kejā-eitõmizt ja viššõ mīeldõ. Až um nǟdõ, ku ikš bokīst äb ūo dīezgan sūr, ku tuoizõn vastõ astõ, siz vȱilim ūrgõb. Až bet mȯlmõd bokād arrõbõd, ku um dīezgan viššõd, siz līb taplimi. Võitlõbõd sentš, až ikš bokīst ūrgõb agā kūolõb. Joudzim bokā sōb õigõm jemizõks kuoīnõ. Tikān sīndõb 1-2 (ōrastiz 3) sipšlimizt ūoņkizt, kīen um īrgandõksõs lǟlam tuoīmõl tūlda . Nēḑi mūrdabõd īlbõkst, okšīd, sudūd ja īžkist rebizt. Pǟgiņ mõtsātikidi kūolõb ka vīļa-nītõmiz tīed āigal ja autoriekūd pǟl.
Jennit edit
Mõtsātikād jennit um lemmõd tōlad pierāst pǟgiņ kazzõn. Paldīž jelāb Leţmō mõtsīs immõr 40 000 mõtsātikkõ. Nänt jennittõ teitsõbõd jarā amā saggõld rāgilizt.
Vaņ ka edit