Līvõ kēļ äb ūo kūolõn. Bet īrgiņ um lǟlamõst lieudõ rovst, kīenkõks võimõ kȭlbatõ siedā kīeldõ. Siz võimõ kȭlbatõ kīeldõ, až mēg luggõmõ agā kēratõm. Nägţõbõks līvõ vikipēdijs. Mis võimõ tīedõ sīekõks, mis mēg opīzmõ mäd ežmizõs līvõstuņdõs. Kil võimõ siz mēg tēriņtõ ja mēg sōmõ ka arū, kunā mingi tēriņtõb. Siedā võimõ ka (sõvvõ) kȭlbatõ Rīgõ aigās, Jugla jōra jūs Dēliņ kōrands. Ja ka Kurāmō kalāmīe jels Lurķos tūļ vastūks "pǟuva!" līvõkīels. (Nei ma apakīz set obbõ, ku ma iz vȯļ sǟl Dēliņ jūs.) Minnõn mīeldiz, ku vȯnštiz min ežmi rõk. Bet pierrõ ma jou kūliz "nāciet iekšā!". Ma ei uks pǟl, sīepierāst, ku "nāciet iekšā!" iz ūo min līvõ sõnāvīļas. Mis võiks ma kītõ ni? "Ma iz sō arū!", kil. Bet siedā tǟdzist kītõmizt irgijiz pierāst ma iz līeda min optõbrōntõs. Saggõld optõbrōntõd tīejist äb mõttõl iļ sīe. Siz īrdõb äbţõ rõksõnārōntõz. Bet ka min rõksõnārōntõ tīeji iz mõttõl iļ sīe. Sīest minnõn vȯļ sūŗ vȯn, ku ma kūliz bussõs, ku min tagān kakš rõkāndiztõ līvõkīels. Ma kīeriz, ja nämād minnõn nīžiz, ku mäd kēļ um rāndakēļ. Ja vaņim kizīz, kas ma tōks oppõ rōz siedā kīeldõ. Ja siz īrgiz piški kurs, kus ma päzīz ka kizzõ, mis pūtiz rōntis.