Dīmant (grīekkīelkõks: ἀδάμας [adámas] — äb sō murdõ) um ikš tõurõz-kiv. Dīmantõ ātomd āt jõvīst kȭrda pierrõ restis, sīepierāst dīmantõn āt mūndad īžkid fīzlizt võimid.
Um vizzim ku midēgist munt materiālõd. Ka sīe lemḑõm jūodimi um amā sūrim. Ne võimid tīebõd dīmant kõlbõks raḑļõmiz, driļļõmiz, tazāntõmiz ja kīļaztõmiz tīedõks.
Dīmant pīnda um väggi tazzi, sīepierāst se um kīļaz ja sīen um īžki valkõm. Sīe valkõm pierāst dīmant um ovli tõurõz-kiv, pǟgiņ kȭlbatõt suormõkšis ja puskāntõmizis.