Wp/kus/Ras Mubarak

Ras Mubarak ( ba da duיa o nɛ naadʋʋnr/nwadisa ayuobʋ 3, 1979) anɛ Ghana labaya tʋmtʋm nɛ kpaad nɛ media publicist nɛ pↄlitis nwɛיɛd. O anɛ maיasim tiig naיadↄↄg la nid (NDC). O da anɛ Ghana bibaanlʋg bɛɛ puיasada nɛ dasam kpɛɛm titaיar din yi yʋma 2013 ken paae yʋma 2016 la ni.

Ras Mubarak

human

Sex or gender	male
Country of citizenship	Ghana
Date of birth	3 June 1979
Place of birth	Satani
Sibling	Mohammed Sadat Abdulai
Relative	Muntaka Mohammed Mubarak
Languages spoken, written or signed	English
Occupation	publicist, politician
Position held	Member of the 7th Parliament of the 4th Republic of Ghana
Educated at	University of Oslo
Member of political party	National Democratic Congress
Religion or worldview	Islam

Ras Mubarak da anɛ onɛ maan ka yↄיↄsid bɛɛ gɔsid yʋʋma yɛla bɛ Ghana labaya tʋʋma laיasʋg dim lʋgir la ni, anina ka o tʋm labaya tʋʋma bɛ walisin nɛ TV ni. Ras Mubarak da anɛ kumbungu wadmaan bɛ Ghana Republic kanɛ aan anaasi la wadmaanib yir kanɛ paas ayↄpↄi la ni.

O Pin'ilʋg Bɛllim Nɛ Sakur Ken

Ba da duיa Ras Mubarak bɛnɛ tamal teŋ kanɛ bɛ Northern Region sʋיʋlʋmin la amaa ka o yit Satani linɛ bɛ kumbungu distrik teŋ kanɛ ka o saam yaaŋ da an naיatitaיar la ni na. O mↄr labaya tʋʋma Diploma kasɛta gbaʋŋ yit London labaya sakur la ni yʋma tusa ayiי nɛ awai la ni, nɛ International Development Studies Post Graduate Diploma kasɛta gbaʋŋ (NIBS) yit Uniersity of Oslo Norway School la ni yʋma 2010 ni, nɛ Business Administration Post Graduate kasɛta gbaʋŋ yit Nobel International Business School kanɛ bɛ Accra sʋיʋlʋmin la.

Pↄlitis Nwɛ'ɛb Yɛla

Ras Mubarak da ziיen maיasim tiig nↄba zug nyiיa ye ba gaŋ o ka o na nyaŋi mↄr suor nyiיa Alekuma North wadmaan kʋk la yʋma 2011 la ni. O da di gaansʋg la ka ziיen tis paati la nↄba zug nyiיa wadmaan kʋk la yʋʋm vↄↄdʋg titaיar kanɛ da bɛ 2012 la ni. Laיam nɛ wala o da kↄיↄŋ ka bas ka wabʋg naיadↄↄg nid la di. Ka o lɛn keŋ tuon nyiיa maיasim tiig naיadↄↄg nidib banɛ ye ba ziיen nyiיa kʋk naיam la vↄↄdʋg bɛ kumbungu yʋma 2015 la ni. O da lɛn di yaיas ka ziיen nyiיa kumbungu kanɛ bɛ Northern Region Ghana sʋיʋlʋm nwa ni la wadmaan kʋk la yʋma 2016 vↄↄdʋg titaיar la ni. O da di kumbungu linɛ bɛ Northern Region sʋיʋlʋmin la wadmaan kʋk la nɛ vↄↄt kal tusa pii nɛ anii nɛ kↄbisyↄpↄi nɛ pisyↄpↄi nɛ ayↄpↄi (18,777 votes) ka li an pisnu nɛ anu nɛ duיalʋg atanי kↄbʋg pʋdʋgir pʋʋgin (55.03%). O da di vↄↄt la ka bas Amadu Moses Yahaya onɛ an CPP naיadↄↄg nid ka mↄr vↄↄt kal tusa anii nɛ kↄbisnaasi nɛ anu (8,405) ka li an pisi nɛ anaasi nɛ duיalʋg pisyuobʋ nɛ atanי pʋdʋgir kↄbʋg pʋʋgin la (24.63%), nɛ Iddrisu Mutaru onɛ da an wabʋg naיadↄↄg nid ka mↄr vↄↄt kal tusa anu nɛ kↄbiga nɛ piswai nɛ ayuobʋ (5,196) ka li an pii nɛ anu nɛ du'alʋg pisi nɛ atanי pʋdʋgir kↄbʋg pʋʋgin la (15.23%), nɛ Abukari Abdul Fatawu onɛ an PPP naיadↄↄg nid ka mↄr vↄↄt kal tusir nɛ kↄbisyuobʋ nɛ pisi nɛ atanי (1,623) ka li an anaasi nɛ duיalʋg pisyↄpↄi nɛ ayuobʋ pʋdʋgir kↄbʋg pʋʋgin la (4.76%), nɛ Mohammed Mutaru Sulemana onɛ an APC naיadↄↄg nid ka mↄr vↄↄt kal kↄbiga nɛ pisi nɛ yinne (121) ka li an duיalʋg pistanי nɛ anu kↄbʋg pʋʋgin la (0.35%) vↄↄtnam la wʋsa kal yaיa laיas taaba.

Ras Mubarak da nyiיa maיasim tiig coŋgerɛs kanɛ da bɛ yʋma 2019 la amaa ka kↄיↄŋ vↄↄtʋg la ka Hamza Adam di.

Mɛŋ Bɛllim Yɛla

Ras Mubarak Anɛ mɔr, o mɔr nɛ biis atan’