Wp/kus/Kolo

Kolo (Serbian Cyrillic: Коло) anɛ South Slavic circle dance, ka ba da maali li yʋ’ʋkaŋa tɛɛns bam ani Bosnia nɛ Herzegovina, Croatia nɛ Serbia. Di paasnɛ UNESCO List of Intagible Cultural Heritage la ni tis Serbia.

kolo

type of dance

Subclass of	circle dance, European folk dance
Country of origin	Serbia
Intangible cultural heritage status	Representative List of the Intangible Cultural Heritage of Humanity, Intangible Cultural Heritage of Humanity of Serbia
Described at URL	https://ich.unesco.org/en/RL/01270, https://ich.unesco.org/fr/RL/01270, https://ich.unesco.org/es/RL/01270

Labakʋda

Wilkes (1995) pa’al ye, kolo anɛ dinɛ yi Illyrian na, bɔzugɔ wa’a la nwɛnɛ wa’abanɛ ka ba wa’ad kʋya ni Roman saŋa la.

Pa’alʋg

Giligir wa’ab la anɛ dinɛ ka nidib atan’ bɛɛ gaadʋg bɛɛ nidib bɛdegʋ na nyaŋi wa’a li.Wa’ad-wa’adib ɛɛnti gban’e taaba nu’us bɛɛ si’as. Ba ɛɛnti zi’eni gilig bɛɛ maal gbiliga, ba tʋn’e tun’ lai wɔk, bɛɛ ba zi’en lai wa’a ayi’.

Kolo wa'ab

Kolo pʋ mɔr dammʋg din yi si’en dʋti agɔl la. Di wa’ab la zamisʋg anɛ na’ana. Banɛ mi’ wa’ad hali la ɛɛnti wa’ad ka pa’an baŋir ka paasid sitai paala nwɛnɛ gaanlʋg. Region wʋsa mɔr kolo wa’ab yinne bɛɛ babʋg ka di/ba bɛɛ di kɔn’ nɛ regon sieba. Di tɔinɛ hali nɛ sɔ’ na nyaŋi baŋ wa’a la buudi wʋsa bɛɛ yɛl ye ye on tʋn’e wa’ sitainam la wʋsa.

Ba wa’ad Kolo nɛ pʋ’adiir nɛ sid kulig malima ni, di’ema ni, buudi malima ni, nɛ pʋ’ʋsim malimanam ni. Wa’asieba nar ye dap nɛ pʋ’ab la’asi wa’ ka wa’asieba mɛ bɔɔd dap ma’aa bɛɛ pʋ’ab ma’aa ye ba wa’.

Yʋʋma

Kolo wa'ab sitai

Yʋʋma la ɛɛnti nwɛ’ɛdnɛ tɔ’ɔtɔ, ka ba wa’adi dɔl. Antonín Dvořák da nɔk yʋʋma la maali o Slavonic Dances –Serbia kolo an wa’akanɛ paasi ayɔpɔi din yi opus 72.

Buudi malima wa’ab la’ad

Buudi malima wa’ab la’ad anɛ gʋn-gʋn dɔlisid region kɔn’ɔb-kɔn’ɔb ni. Region banɛ kpi’e taaba la’adi nwɛn taaba bi’ela.

Malima fuud footo

Ba wa’ad kolonam kɔn’ɔb-kɔn’ɔb di’ema zin’isin. Ba ɛɛnti yɛnɛ malima fuud dinɛ bɛ di kɔn’ nɛ region kan. Kolo nanɛ an na’ana anɛ narodno kolo bɛɛ drmeš; dinɛ ka ba wa’adi dɔlisid yʋʋma la nwɛ’ɛd si’em.

South Slavic gbiliga wa’asieba

South Slavic tensieba ni, ba mɔr horo (Bulgarian: хоро) bɛ Bulgaria ka oro (Macedonian: оро) mɛ bɛ North Macedonia nɛ Montenegro.

Mɛ gɔsim nɛ

• Armenian dance
•        Assyrian folk dance
•        Croatian dances
•        Dabke
•        Faroese dance
•        Greek dances
•        Hora (dance), di nwɛnɛ kolo an si’em la
•        Khorovod, Eastern European dim wa’am
•        Kurdish dance
•        Serbian dances
•        Turkish dance