Wp/kus/John Peter Amewu

John-Peter Amewu anɛ Gaana pɔlitiks nwɛ’ɛd ka aan ti Gaana Minista tis banɛ gɔsid ziriga suoya yɛla la, o anɛ wadmaan n tis Hohoe. Onɛ da an Minister of Energy nɛ Minista banɛ gɔsidi ti tam nam la’ad yɛla la yυυm banɛ gaad la. Ba da du’a o nɛ yυυm tusir nɛ kɔbiswai nɛ piisnii nɛ ayi la ni.  

John Peter Amewu

human

Sex or gender	male
Country of citizenship	Ghana
Given name	John
Languages spoken, written or signed	English
Occupation	politician
Position held	Member of the 8th Parliament of the 4th Republic of Ghana, Minister of Energy and Petroleum, Minister for Lands, Minister of Railway Development
Member of political party	New Patriotic Party

O vυm pin’ilυg nɛ o sakur yɛla

Ba da du’a John-Peter Amewu nɛ yυυm tusir nɛ kɔbiswai nɛ piisnii nɛ ayi la ni n bɛ Wli-Todzi linɛ bɛ Hohoe Volta Region sυ’υlυm la. O da keŋi o sakur bɛ Hohoe E. P. Senior High Sakur linɛ yυ’υri buon St. Mary's Seminary/Senior High sakur la ni. Ka lɛn tɔlisi keŋ Lolobi and Adisadel Kɔligi linɛ bɛ Cape Coast la. O da yii anina keŋ Kwame Nkrumah University of Science and Technology n naae ka di’e o digirɛɛ kasɛta gbaυŋ. O da lɛn tɔlis University of Ghana, Legon n naae ka di’e kasɛta gbaυŋ linɛ an MBA na’asaalin la, ani ka o lɛn tɔlisi maaali o mastɛs n bɛ University of Dundee (UK) sakurin la.

O vυm bɛllim

O anɛ Kristo biig. Di pu’a du’a biis anaasi.

Tυυma

Onɛ da yɔ’ɔg Africa Centre for Energy Policy (ACEP) la, ani ka o da an tυυma la tuongat onɛ sa’an Gɔmina nɛ A-su’oemɛŋ nam tυυma la.

O pɔlitiks yɛla

John-Peter Amewu anɛ Wabug Na’adɔɔg la nid. John Agyekum Kufour da gaŋ o ye o an minista banɛ gɔsid na’am yɛla n bɛ Hohoe sυ’υlυm la. O da bɛ minista tuum kan pυυgin lin da yi yυυma tusa yi nɛ anu n ti paae yυυma tusa yi nɛ awai la ni. O da zi’en Wabυg Na’adɔɔg la zug yυυma tusa yi anaasi nɛ yυυma tusa yi nɛ anii la ni nya’a wadmaanib la ka pυ paam ka Prince Jacob Hayibo onɛ an Ma’asim Tiig Na’adɔɔg nid la da di ka bas o.

O minista bɛllim

Buniya nya’aŋ nwaris anu la yuma tusa yi nɛ piina yɔpɔi la ni ka Nana Akufo-Addo da gaŋ John-Peter Amewu ye o an Minista banɛ gɔsidi ti tam nɛ ti tam la’ad yɛla.

Buniya nya’aŋ nwaris anii la yυma tusa yi nɛ piina nii la ni ka ti Gɔmina Nana Addo-Danquah Akufo-Addo tiak o ye o aan ti Gaana Energy Minista, ka o da tυm tituaa hali n tis Gaana dim.

Wabυg Na’adɔɔg la da di yuma tusa yi nɛ piisi la ni la ka ba lɛn gaŋ John-Peter Amewu ye o an Minista banɛ gɔsid ziriga suoya yɛla la.

O wadmaan bɛllim

Vɔt kanɛ da maal Buniya nwarig la li dabisim ayɔpɔi  yuma tusa yi nɛ piisi la nya’aŋ la, ka John-Peter Amewu zi’en Wabυg Na’adɔɔg la zugu nya’a di Hohoe dim wadmaanib kυk la hali lin da yi yυυm tusir nɛ kɔbiswai nɛ piiswai nɛ ayi n ti paae saŋ kanna la.