Lydia Akanvariba Lamisi anɛ Ghana laafi tʋmtʋm (awuriba), ka mɛ an onɛ nwɛ’ɛd pɔlitiks. Ba da du’a o nɛ Nasaa nwadig October dabsʋm ayɔpɔi, 1973 yʋʋmin. O paati anɛ National Democratic Congress bɛɛ NDC. Nannanna, o anɛ Tempaan sʋ’ʋlim MP Wada Maalʋg Yir dinɛ paas anii (8th Parliament) Ghana Republic anaasi la ni (4th Republic). O da pin’íli o pɔlitics nwɛ’ɛbnɛ Nasaa yʋʋm 2020 votʋk la ni ka di.
| Sex or gender | female  |
|---|---|
| Occupation | politician |
| Position held | Member of the 8th Parliament of the 4th Republic of Ghana |
O du’am yɛla nɛ on da duoe si’em
Ba da du’a Lydia Akanvariba nɛ Nasaa nwadig piiga, li daba ayɔpɔi 1973 yʋʋm la ni. Ba da du’a o nɛ Accra, linɛ bɛ an Greater Accra Region la.
O sakur baŋsim yɛla
O da keŋ sakur nɛ Mount Crest University College Kanda- Accra karim wada yɛla ka di’e Bachelor of Laws (LLB) kaseta gbauŋ 2013 paae 2016, ka mɛ keŋ Central University College zamis laafi tʋʋm (awuriba) ka di’e Bachelor of Science (BSc) kasɛta gbauŋ.
O tʋʋma yɛla
Gerimadaan Akanvariba anɛ pu’a kanɛ nifʋ mui nɛ teŋ maalʋg yɛla; li kaskas anɛ saalib laafi nɛ ba bɛllim sʋŋ yɛla. O da pin’ili o laafi tʋʋma nɛ Saboba Medical Centre N/R 1998 – 2000, Presbyterian Hospital Bawku UE/R 2000 paae 2009. O da tʋmnɛ yʋʋm piiga nɛ yinne laafi tʋʋma zin’igin. Li nya’aŋ ka on nɛ osid Gerimadaan David Adakudugu onɛ digi o nu’ug zug la pin’il Sengnaab Development Corporation (SDC) linɛ bɛ Achimota, Accra ka o an tʋʋma la kpɛɛm. Ba mɛ lɛn pin’il tʋʋm kaɛ ka ba buon ye Nɔɔryinne Commercials Limited ka mɛ aan li kpɛɛm.
O politiks yɛla
O sid; Girima Daan David Adakudugu da di NDC primaries la ye o zin’in 2020 votʋk la ka Wina’am di’e o nyɔɔr. Ani ka madam Akanvariba pin’il pɔlitiks nwɛ’ɛm ka zin’in primaries la di pisyuobʋ nɛ awai vaar kɔbiga pʋʋgin (69%). On nɛ Lɔya Akpemka onɛ da zi’e tis NPP la da nya’ na’am la ka o di’ ka lieb Tempaan sʋ’ʋlim wada maan (parliamentarian) wada maalʋg yir (parliament) kanɛ paas anii Ghana Republic anaasi la ni. Nidib tusa pisi nɛ kɔbiswai nɛ pistan’ nɛ awai (20,939) da vɔti tis o, ka li pa’al ye kɔbiga pʋʋgin, o da nyɛnɛ vaar pisnu nɛ a yuobʋ(56.0%) ka nidib tusa pii nɛ ayuobʋ nɛ kɔbisnaasi nɛ pisyuobʋ nɛ ayi’ voti tis Joseph Dindiok Akpemka ka li pa’al ye ɔbiga pʋʋgin, oda paamnɛ vaar pisnaasi nɛ anaasi (44.0). Ghana Wada Maalʋg yir la ni, o bɛnɛ Kɔmitiinam ayi’ ni: Labaya Kɔmitii (Communications) nɛ Suobanɛ na dɔliss sʋŋ nɔŋdaannam (Poverty reduction Strategy). O mɛ paas tʋʋm kanɛ an APNIG linɛ aan ti Gbauŋ Sabilʋg sʋ’ʋlim wada maannib la’asʋg (African Parliamentarian network on internet governance) nɛ IPPForB linɛ an tɛɛns kɔn’ɔk-kɔn’ɔb tʋʋma linɛ gɔsid ka labaya nɛ pian’abanɛ nar nɛ pʋ’ʋsim yɛla ken tuon ka sɔ’ kʋ nyaŋɛ gʋ’ baa.
O mɛŋ bɛllim yɛla
Gerimadaan Lydia Akanvariba Lamisi sid da anɛ Gerimadaan David Adakudugu onɛ lɛn kae la. Ba mɔri biis anaasi; bipʋŋ yinne biribis atan’. O anɛ onɛ nɔŋ gbana karʋŋ, nɛ ku’om lugib nɛ yʋʋma.