Valamon manasteri (ven. Валаамский монастырь) on miehien stavropigialine manasteri Luadogan järven Valamon suarel. Suomen Heinäviele nostettih voinien jälgeh manasteri, kudamua kučutah Uvvekse Valamokse libo sežo Valamokse.
Valamon manasterin histourii
editYhtes vahnas kirjutukses on sanottu nenga: ”1329 vuon kezäl Valamon suarel eli vahnu uskovaine ristikanzu Sergii. Vuonnu 1393 sinne tuli German”. Pyhien Sergien da Germanan jiännökset ollah nygöi Spuasan Elvyttämizen kirikön ual. Toine konseptsii sanou, gu manasteri oli perustettu läs X – XI – vuvvensualois. Avraam Rostovilazen elaigukirjutukses on sanottu, gu häi oli Valamos X – vuvvensuas. Vie sit oli sanottu, gu Sergien da Germanin pyhäjiännökset oldih siirretyt Novgorodah vuvvennu 1163.
Melgo tovveline Valamon histourii algau XIV – vuozisuaspäi. Valamon histouries oli sanottu, gu se manasteri oli perustettu vuvvennu 1407. Vaigu se ei ole juuri päivytys.
XVI – vuozisuale Valamoi suaristos eli enämbi 600 monahua. Vaigu sen jälles, konzu ruoččalazet tuldih piäle, manasteri tyhjeni. Vuozinnu 1179 – 1180 oli nel'l'as da jälgimäine Pyhien Sergien da Germanin jiännöksien siirdymine Novgorodaspäi Valamole. Konzu pyhäjiännökset tuodih suarele, net oldih sit paikal, konzu nygöi on Pokrovskoin časounu.
Vaigu on olemas toine nägökulmu, gu jiännöksien siirdymine suarele tapahtui vuvvennu 1182. Da vie kirikön tiedo ei anna tärgielöi tiedoloi, gu tätmä jiännöksen siirdymine oli nel’l’as. Tämä oli kirjutettu ”Opovedis”. Vuvves 1192 igumenu Martirii nosti Valamol kirikkö niminke Spuasu Hospodan Iisuusu Hristosan. Tämä aziakirjutus oli kirjutettu aigukirjas da pyhä Igbatii (Br’ančaninov tovesti sen).
Eriluaduzis vuozis Valamos elittih pripodobni Arseni Konevskij, Savvati Solovetskii, Aleksandr Svirskii, Solovetskoin igumen Paisii.
Vuvvennu 1581 Valamol oli rutto da manasteris kuoltih 37 monahua da 47 poslušniekkua.