Uuši Šana on oša Piiplijua ili hristossanušon pyhie kirjutukšie. Še on Piiplijan jälkimäini puoli ta šiinä paissah Iisussan elämäštä ta ruatoloista. Ennein šitä Piiplijašša on Vanha Šana. Uuši Šana šanelou, mitein Jumala luati šovun kaikkien rahvahien kanšša. Še jatkau kertomušta, kumpani alkau Vanhašša Šanašša.
Uuvvešša Šanašša on 27 kirjua. Šen jevanheleissa kerrotah tietuo Iisussan elämäštä, opaštukšista ta ruatoloista, hänen kuolomašta rissillä ta ylöšnoušomisešta. Jevanheleita on nellä: Matvein, Markin, Lukan ta Iivanan mukah. Niijen jälkeh Uuvvešša Šanašša tulou Apostoloin ruavot, kumpani ošottau, mitein hyvä viešti levisi Jerusalimista Riimah šuaten. Šen jälkeh tullah apostoli Puavilan kirjaset ta šeiččemen kirjasta, nš. Kirikölliset kirjaset. Viimeni kija, Iisussan Hristossan jiävintä Iivanalla, šanelou Jumalan valtakunnan lopullisešta voitošta ta muajilmanlopun ajoista.
Uuvven Šanan kirjat kirjutettih vuosina 50–150 kreikan kielellä.
Uuvven Šanan kirjat edit
- Jevanheli Matvein kirjuttamana
- Jevanheli Markin kirjuttamana
- Jevanheli Lukan kirjuttamana
- Jevanheli Iivanan kirjuttamana
- Apostolien kirja
- Apostoli Juakon kirjani
- Apostoli Petrin enšimmäini kirjani
- Apostoli Petrin toini kirjani
- Apostoli Iivanan enšimmäini kirjani
- Apostoli Iivanan toini kirjani
- Apostoli Iivanan kolmaš kirjani
- Apostoli Juutan kirjani
- Apostoli Puavilan kirjani riimalaisilla
- Apostoli Puavilan enšimmäini kirjani korinfilaisilla
- Apostoli Puavilan toini kirjani korinfilaisilla
- Apostoli Puavilan kirjani galatalaisilla
- Apostoli Puavilan kirjani efessalaisilla
- Apostoli Puavilan kirjani hilippiläisillä
- Apostoli Puavilan kirjani kolossalaisilla
- Apostoli Puavilan enšimmäini kirjani fessalonikkalaisilla
- Apostoli Puavilan toini kirjani fessalonikkalaisilla
- Apostoli Puavilan enšimmäini kirjani Timofeilla
- Apostoli Puavilan toini kirjani Timofeilla
- Apostoli Puavilan kirjani Tiitalla
- Apostoli Puavilan kirjani Filimonilla
- Apostoli Puavilan kirjani jevreilöillä
- Iisussan Hristossan jiävintä Iivanalla
Uuši Šana karjalakši edit
Uuši Šana piästettih ilmah livvinkarjalakši vuotena 2003. Kiännöš noutau Yhtynysien Piiplijaseurojen kreikankielistä alkutekstie. Šen on luatin Piiplijankiännäntäinstituutta.