Wp/krl/Pohjas-Koreja

Korejan demokrattini kanšantašavalta ili Pohjas-Koreja on valtivo Itä-Aasijašša Korejan niemimualla. Pohjas-Koreja on diktatuuri ta šiitä ei tiijetä kovuan äijän. Pohjas-Koreja on keyhä mua, onnakko piälinnašša elämä on parempua ihmisillä. Pohjas-Korejan virallini ideologija on juče.

Pohjas-Korejan pinta-ala on 120 538 nelijökilometrie ta väkiluku 24 851 627 eläjyä. Šen piälinna on Pjongjang ta virallini kieli on koreja. Muata halliččou "Šuuri Johtaja" Kim Jong-un.

Istorija

Ammuin molommat Korejat (Pohjas- ta Šuvi-Koreja) ollah oltu yksi yhtenäini valtivo. Vuotena 1910 Japonija poloni Korejan kuninkaškunnan ta liitti šen iččeh. Toisen muajilmanšovan jälkeh Neuvoštoliitto ta Yhyšvallat juattih Koreja, ta Neuvoštoliiton alovehešta šynty Pohjas-Koreja. Vuosina 1950–1953 kakši Korejua šojittih; šota piätty tašapelih.

Pohjas-Korejan peruštaja ta enšimmäini "Suuri Johtaja" oli Kim Il-sung. Nykyni johtaja on hänen punukka (vunukka) Kim Jong-un.