Kišša (Felis catus) on kiššaeläimien heimoh kuuluja kotielukka. Kiššat eletäh 14-20 vuuvven ikähisiksi, no hyvin hoijettuna ta kunnolla šyötettynä ne voijah elyä yli 20 vuottaki. Kiššan iäntelyö kuččutah n'aukumisekši. Šiäntyös's'äh kišša voit kynšie, ta šillä on ylen näpiet kynnet.
Kišša šyöy pienie jyrsijöitä, ta alkujah še on kešytetty navuimaiseh varjelomah elovaraštoja hiiriltä. Ihmini on pitän kiššoja jo ainakin 10 000 vuotta. Kišša pyytäy hiirie enimmäkšeh yöllä, šillä on hyvä yönäkö. Päivällä kišša makuau missänih lämpimäššä paikašša. Paraš kiššan paikka on kiukualla. Kišša tykkyäy maituo ta lakkiu šitä vajista.
Perintehellisie kiššan nimie ollah Murri, Mirri, Kissi ta Vas'a. Kišša tykkyäy, jotta šitä aina šilitetäh piätä ta šelkyä myöten. Kiššan pentuo šanotah kikiksi.