Wp/krl/Kainuu

< Wp‎ | krl
Wp > krl > Kainuu

Kainuu on muakunta Šuomešša. Šen piälinna on Kajaani. Muakunnan pinta-ala on 22 687,35 nelijökilometrie, ta šielä on 71 839 eläjyä. Pohjosešša ta länneššä Kainuu rajottuu Pohjois-Pohjanmaah, šuvešša Pohjois-Savoh ta Pohjois-Karjalah a ijäššä Vienah.

Kainuun vuakuna
Kainuun šijainti

Istoriallisešti Kainuu kuuluu Pohjanmaah, ta ennein alovehella on paistu karjalan kieltä. Nykyjäh karjalua paissah vain muakunnan itäošissa Hietajärven ta Kuivajärven kylissä.

Kainuun maisemah kuulutah järvet, vuarat ta šuuret erämuat. 80 prosenttie muakunnan muapinta-alasta on meččyä, ta šuurin järvi on Oulujärvi ili Kainuun meri. Kainuulaini kulturi kuuluu suurempah itäšuomelais-karjalaiseh kulturiperintöh ta Kainuun murre pohjautuu Savon ta Karjalan murtehih. Kainuuta on kučuttu niise "nälkämuakši", ta šen muakuntalaulu on nimeltäh Nälkämaan laulu.