Arheologija (< kreikk. arkhaios, 'muinaini' + logos, 'tieto') on humanistini tieto tahi enämpi oikein joukko tietoja, kumpaset tutkitah ihmisen männyttä aikua analisoimalla muinaisjiännökšie ili niitä jälkijä, kumpasie ihmisien ruato on jättän muaperäh tahi vesistöjen pohjah. Tämmösie ollah esimerkiksi vanhat rakennukšet ta niihen peruššukšet, esinehlöyvöt, ihmisien hyövykši käyttämien eläinten ta kašvien jiännökšet, hauvat ta ihmisien jiännökšet, laivanruakit šekä ihmisen maisemašša luatimat muutokšet. Arheologisen tutkimukšen lähtehainehisto šuahah tavallisešti arheologisista kaivaukšista.
Arheologija voipi tutkie lähi-istorijua ta šiten täyventyä istorijantutkimušta, kumpani peruštuu kirjallisih lähtehih. Ušein arheologija tutkiu loittoista männyttä aikua, aikais- tahi esi-istorijua, kumpasešta ei ole kirjallisie lähtehitä. Arheologijah erikoistunutta tutkijua kučutah arheologiksi.