Wp/krl/Amerikannorkka

< Wp‎ | krl
Wp > krl > Amerikannorkka

Amerikannorkka (Neovison vison) on Pohjos-Amerikasta rotusin olija, vesistöjen läheisyyvveššä eläjä niätäeläinluatu. Šitä kašvatetah Europašša turkiseläimekši, ta tarhoista puannehista amerikannorkista on muuvvoštun monih maih luonnonvarani populatijo.

Amerikannorkka

Amerikannorkka on šuarvua, niätyä ta hillerie muissuttaja keškikokoni niätäeläin, kumpasen vartalon pituhuš on 30–47 ta hännän 13–23 senttimetrie. Eläin painau 0,5–2 kilogrammua; isäčyt ollah emäččyjä šuurempie. Jalat ollah lyhyöt, turkki on kiiltäjä ta muššanruškie. Piä on levie ta kirša (turpa) čoheraini. Pienet šilmät šijaitah piän etuošašša; lyhyöt pyöriet korvat ollah piälajella. Häntä on keškimittani ta turpie. Amerikannorkka loikkiu mualla ta ui hyvin. Piä on erikarvani kuin hillerillä ta šuarva on amerikannorkkua šuurempi.

Amerikannorkka šyöy piäasiešša pienie imettäjie, kuten mykrie, lintuja, kaloja, skokunie, ruakkuja ta hyönteisie. Amerikašša šen piäruokua ollah ontratat (piisamit), Pohjos-Europašša kalat. Talvella amerikannorkan ruokavalijoh kuulutah kalat, kešällä še šyöy enämpi muita eläjie. Rotn'ah vesikköh ili norkkah verrattuna amerikannorkka šyöy enämpi kalua ta vähemmän pikkujyršijöitä. Amerikannorkka on ylen haitallini vierašlaji.