Adolf Hitler (20. sulakuuta 1889 – 30. sulakuuta 1945) oli itävaltalaisšyntyni šakšalaini poliitikko, kumpani nousi Šakšan valtakunnankanslerikši ta halličči nacihallinnon aikana 1933–1945 muata diktattorina (Führer). Hitler oli niise kanšallissosialismin alkuhpanija ta Šakšan kanšallissosialistisen ruatopuolovehen, nacipuolovehen, piälikkö vuosina 1921-1945.
Hitleran ekspansiivini politiikka oli eryäš piäšyistä toisen muajilmanšovan šyttymiseh. Hiän poloni šuuren ošan Europašta ta hyökkäi niise Venäjällä. Hitlerin nimeh liittyy lukusie rikokšie rahvaškuntua vaštah, kuten holokosti, kumpasešša tapettih miljonie jevreitä. Kanšojenvälini šotatribunala tunnušti Hitlerin peruštamat yhissykšet (SS, SD ta Gestapo) ta natsistoin puolovehen johtokunnan iččenäh sakonanrikkojiksi, ta ušiet kasnittih šovan jälkeh. Hitler iče tappo iččeh muutomua päivyä ennein Naci-Šakšan tuhuo.