Spen (Spanish: España), ɔ di Kiŋdɔm ɔf Spen (Reino de España), na kɔntri we de mɔ na di sawt-wɛst pat na Yurop wit sɔm pat dɛn na di Atlantik Oshɔn ɛn ɔdasay na di Mɛditarenian Si. [11][g] Di big pat na Spen de na di Ayberian Pɛninsula; in eria inklud bak di Kanari Ayland dɛm na di Atlantik Oshɔn, di Balearic Ayland dɛm na di Mɛditarenian Si, ɛn di ɔtonamɛnt siti dɛm we nem Siuta ɛn Mɛlila na Afrika. Di kɔntri in men land gɛt bɔda na di sawt wit Jibraltar; na di sawt ɛn ist pat na di Mɛditarenian Si; na di nɔt pat na Frans, Andɔra ɛn di Bay ɔf Biskay; ɛn na di wɛst pat na Pɔtyugal ɛn di Atlantik Oshɔn. Na di sɛkɔn big kɔntri na di Yuropian Yuniɔn (EU) ɛn na di nɔmba 4 kɔntri we gɛt bɔku pipul dɛn na di EU mɛmba. Di kapital siti ɛn big siti na Spen na Madrid; ɔda big big siti dɛn na Basilona, Valɛnshia, Sɛvil, Zaragoza, Malaga, Mɔsia, Palma de Mayɔka, Las Palmas de Gran Kanaria, ɛn Bilbao.