Saudi Arabia,[e] ɔfishal wan di Kiŋdɔm ɔf Saudi Arabia (KSA),[f] na wan kɔntri na Wɛstɛn Eshia. I kɔba di bɔku pat na di Arabian Pɛninsula, ɛn i gɛt land eria we na lɛk 2,150,000 km2 (830,000 sq mi), we mek am di nɔmba fayv kɔntri na Eshia, di sɛkɔn big wan na di Arab wɔl, ɛn di big wan na Wɛstɛn Eshia ɛn di Midul Is. Di Rɛd Si de nia am na di wɛst pat; Jɔdan, Irak, ɛn Kuwait na di nɔt; di Pashian Galf, Kata ɛn di Yunaytɛd Arab Ɛmirat na di ist; Oman na di sawt-ist; ɛn Yemen na di sawt. Bahrain na wan ayland kɔntri we de nia in ist kɔst. Di Galf of Aqaba we de na di nɔt-wɛst pat de sheb Saudi Arabia frɔm Ijipt ɛn Izrɛl. Saudi Arabia na di wangren kɔntri we gɛt kɔstlayn along di Rɛd Si ɛn di Pashian Galf, ɛn bɔku pan di say dɛn we de de na dray dɛzat, lɔwland, stɛp, ɛn mawnten dɛn. I kapital ɛn siti we big pas ɔl na Riyad. Di kɔntri gɛt Mɛka ɛn Madina, we na di tu siti dɛn we oli pas ɔl na Islam.
