Somalia, ɔfishal wan na di Fɛdaral Ripɔblik fɔ Sɔmalia[11] (Sɔmali: Jamhuuriyadda Federaalka Soomaaliya; Arabik: جمهورية الصومال الفيدرالية), na wan kɔntri we de na di Ɔn ɔf Afrika. Di kɔntri gɛt bɔda wit Itiopia na di wɛst, Jibuti[12] na di nɔtwɛst, di Galf ɔf Adɛn na di nɔt, di Indian Oshɔn na di ist, ɛn Kenya na di sawtwɛst. Sɔmalia gɛt di kɔst layn we lɔng pas ɔl na di men land na Afrika.[13] Di say we i de, na di ples dɛn we nɔ gɛt bɛtɛ grɔn, ples dɛn we nɔ gɛt wata, ɛn ayland dɛn.[1] Hot kondishɔn kin de ɔlsay na di ia, wit mɔsun briz ɛn ren we nɔ kin kam ɔltɛm.[14] Sɔmalia gɛt lɛk 17.1 milyɔn pipul dɛm,[15][16] pan dɛm pas 2 milyɔn pipul dɛm de liv na di kapital ɛn big siti we nem Mogadishu, ɛn dɛn dɔn tɔk bɔt am se na di kɔntri we gɛt wanwɔd pan Afrika.[17][18] Arawnd 85% pan di pipul dɛm we de de na etnik Sɔmali pipul dɛm,[1] we dɔn de na di kɔntri in nɔt frɔm trade trade. Di etnik mayoniti dεm de bכku pan di sawt.[19] Di ɔfishal langwej dɛm na Sɔmalia na Sɔmali ɛn Arabik.[1] Bɔku pipul dɛn na di kɔntri na Muslim,[20] bɔku pan dɛn na Sunni.[21]
