Di Ripɔblik fɔ Kongo (French: République du Congo, Lingala: Republíki ya Kongó), we dɛn kin kɔl bak Kongo-Brazzaville, di Kongo Ripɔblik[7][8] ɔ jɔs ɔl tu Kongo ɔ di Kongo, na kɔntri we de na di wɛst pat di kɔst na Sɛntral Afrika na di wɛst pat na di Kongo Riva. I gɛt bɔda na di wɛst wit Gabon, na in nɔtwɛst wit Kamɛrun ɛn in nɔt-ɛst wit di Sɛntral Afrika Ripɔblik, na di sawt-ɛst wit di Dimokratik Ripɔblik fɔ Kongo, na in sawt wit di Angola exclave of Cabinda ɛn na in sawtwɛst wit di Atlantik Si.
Di rijyɔn bin gɛt trayb dɛn we de tɔk Bantu at le 3,000 ia bifo dis tɛm, we bin bil tred link dɛn we de go insay di Kongo Riva bɛsin. Kongo bin de pat pan di Frɛnch kɔloni na Ikwetorial Afrika. Dɛn bin mek di Ripɔblik fɔ Kongo pan 28 Novɛmba 1958 ɛn i bin gɛt indipɛndɛns frɔm Frans insay 1960. I bin bi Maksis–Lɛninist stet frɔm 1969 to 1992, ɔnda di nem Pipul Ripɔblik fɔ Kongo. Di kɔntri dɔn gɛt bɔku pati ilɛkshɔn frɔm 1992, bɔt dɛn bin pul wan gɔvmɛnt we dɛn bin pik bay dimokrasi insay di 1997 Ripɔblik fɔ Kongo Sivil Wɔ. Prɛsidɛnt Denis Sassou Nguesso we fɔs kam na pawa insay 1979 bin rul te 1992 ɛn afta dat bak frɔm 1997.
I mɛmba fɔ di Afrikan Yuniɔn, di Yunaytɛd Neshɔn, La Francophonie, di Ikɔnomik Kɔmyuniti fɔ Sɛntral Afrika Stet dɛn, ɛn di Nɔn-Alaynd Muvmɛnt. I dɔn bi di nɔmba 4-big ɔyl prodyusɔ na di Galf ɔf Gini, we de gi di kɔntri wan digri fɔ prɔsperiti, wit pɔlitikal ɛn ikɔmik instability na sɔm eria ɛn nɔ ikwal distribyushɔn fɔ ɔyl revenyu ɔlsay na di kɔntri. I ikɔmi de dipen pan di ɔyl sɛktɔ,[10] ɛn di ikɔnomi growth dɔn slo frɔm we di ɔyl prayz dɔn dɔŋ afta 2015. Wit 5.2 miliɔn pipul dɛm, 88.5% pan di kɔntri de du Kristian rilijɔn.