Wp/kri/Nyuak, Nyu Jɛsi

< Wp‎ | kri
Wp > kri > Nyuak, Nyu Jɛsi

Nyuak na di siti we gɛt bɔku pipul dɛn pas ɔl na di U.S. stet na Nyu Jɛsi ɛn na di say we Ɛsɛks Kɔnti de.[25][26] As di 2020 sɛns, di siti in pipul dɛn na bin 311,549,[11][12] wan inkris we na 34,409 (+12.4%) frɔm di 2010 sɛns kɔnt we na 277,140,[27][28] we insɛf sho se inkris na 3,594 ( +1.3%) frɔm di 273,546 pipul dɛm we dɛn kɔnt na di 2000 sɛns.[29][30] Di Populeshɔn Ɛstimat Program bin kɔl di pipul dɛm we na 305,344 fɔ 2022, we mek i bi di nɔmba 66 munisipaliti we gɛt bɔku pipul dɛm na di neshɔn.[13]

Di Puritan dɛn we kɔmɔt na Nyu Ayvin Kɔloni bin kam de insay 1666, ɛn Nyuak na wan pan di siti dɛn we dɔn ol pas ɔl na Amɛrika. Di say we i de na di mawnten fɔ di Pasayk Riva (we i de flɔ insay Nyuak Bay) dɔn mek di wata we de nia di siti na impɔtant pat pan di Pɔt na Nyu Yɔk ɛn Nyu Jɛsi. Tide, Pɔt Nyuak–Ɛlizabɛt na di men kɔntena shiping tɛminal na di si pɔt we bizi pas ɔl na di U.S. Is Kɔst. Nyuak Libati Intanɛshɔnal Aypɔt na bin di fɔs munisipaliti kɔmɛshɔnal aypɔt na Amɛrika, ɛn tide na wan pan in bizi pas ɔl.[31][32][33]

Bɔku kɔmni dɛn gɛt dɛn hedkwata na Nyuak, lɛk Prudential, PSEG, Panasonic Kɔpɔreshɔn fɔ Nɔt Amɛrika, Audible.com, IDT Kɔpɔreshɔn, Manischewitz ɛn AeroFarms.

Bɔku ay edyukeshɔn institiushɔn dɛn de bak na di siti, lɛk di Nyuak kampus na Rutgers Yunivasiti (we gɛt lɔ ɛn mɛdikal skul dɛn ɛn di Rutgers Instityut fɔ Jaz Stɔdi); Yunivasiti Ospital (we dɛn bin de kɔl di Yunivasiti fɔ Mɛdisin ɛn Dɛntis na Nyu Jɛsi we bin gɛt di skul dɛn fɔ mɛrɛsin ɛn dɛntist we naw de ɔnda Rutgers Yunivasiti); di Nyu Jɛsi Instityut fɔ Tɛknɔlɔji; ɛn di lɔ skul na Sɛton Ɔl Yunivasiti. Di Amɛrika Distrikt Kɔt fɔ di Distrikt na Nyu Jɛsi de bak na di siti.

Di lokal kɔlchɔ ples dɛn na di Nyu Jɛsi Pɔfɔmin Ats Senta, Nyu Yɔk Simfɔni Ɔl, di Prudential Senta, Di Nyuak Miusiɔm fɔ At, ɛn di Nyu Jɛsi Istɔrɔkal Sɔsayti.

Nyuak gɛt fayv pɔlitikal wɔd dɛm (Ist, Wɛst, Sawt, Nɔt ɛn Sɛntral) ɛn i gɛt neba dɛm we gɛt difrɛn kɔlchɔ frɔm di bustling ɔban distrikt dɛm to kwayɛt sɔban enklav dɛm.[34] Di Branch Bruk Pak na Nyuak na di kɔntri pak we ol pas ɔl na Amɛrika ɛn na de dɛn gɛt bɔku bɔku tik dɛn we gɛt chɛri blɔk tik dɛn na di neshɔn, we pas 5,000.