Wp/kjp/အင်းဏင်ဆ်ုၜုံး

< Wp‎ | kjpWp > kjp > အင်းဏင်ဆ်ုၜုံး

ဣမံ ပုညာဘာဂံ သဗ္ဗသတ္တာနံ ဒေမ။ အ်ုတိုင်ပ္တုဲ ၜုံးယိုဝ်ၯး၊ အင်းၮင်ဖှ်ေလင့် ကိုဝ်အ်ုၯာ၊ ဂုၮ်ဍောဟ်ထဝ့်ယှံင် မောဝ်ႋဍေဖါႋ၊ ၜုဂ်ထိင်ႋဆာင့်ဆာ မူႋဍေခွါ့၊ မောဝ်ႋဍောဟ်မာန်ထဝ့် ဍေအ္စာ၊ ပၟင့်အှ်ခိုဝါရုပ်ခန္ဓ၊ ပၟင့်လုက်ကဝ် စက္ကဝါ၊ ပၟင့်ခေါဟ်လံင် သိင်းဍေဝး၊ ပၟင့်ၯိင်းၰင့် ဘုက်ဍေဘာႋ၊ ပၟင့်တ်ုဝါန့် သာသၞာ့၊ ပၟင့်ဍုံဌာန့် မိင်လကၠာ၊ အိင်ဍေဗြုမ့် ဘုမ္မာရုက္ခ၊ သိုင့်ဆီ့လ်ုထိုင့် အ်ုခေါဟ်ဍာ၊ ဆာမွာဲအှ်ထံင် အ်ုလုက်ခၠါ၊ သုခိတ​ဍေဒုက္ခိတ၊ အှ်ၜှ်ယဝ့် ဍေအှ်ယှင်းယ၊ ဝေနေယျ ဂမၠိုင်ႋလ်ုဖး၊ ၜေပ်ုၮေဝ်ႋ ဆ်ုၜုံးဆ်ုၜါ၊ ၮေဝ်ႋလာႋၰိုဲၯံင် သၟင့်သွာ၊ အင်းၮင်ဖှ်ေလင့် ကိုဝ်အ်ုၯာ၊ ကာလာဍဝ် ကေခါင့်စူႋယာ့၊ ပ္တုဲဝယ် ဆ်ုၜုံးလ်ုဖး၊ ပ်ုအေသာဖၠိင် သာၮင်းသာ၊ ၮီ့လုဂ်လီႋလာ အင်းလဝ်ပျာ၊ အ်ုတင်းအှ် ၯင်းခေါဟ်ယိုဝ်ၯး၊ ကဲသာသီ့ ဝါထောတ်ခၠါခၠါ၊ မွာဲလာႋဝေ့ဆာ် လင်တ်ုရာ။

အ်ုတိုင်ပ္တံင် ဆ်ုၜုံးယှံင်ယိုဝ်၊ ၰိုဲၯံင်ကိုဝ်ၯာ၊ ၮေဝ်ႋၜးလာႋ အင်းၮင်ဖှ်ေလဝ့်လှ်။ ၰိုဲၯံင် ၰိုဲၯံင် ၰိုဲၯံင် မာၮေဝ်ႋလာႋဆာ် ကိုဝ်ၯာဍေ။ သာဓု သာဓု သာဓု ၯေဝ်ယုဂ်က်ုဆာႋကျာ်။