Wp/kjp/သီလ

< Wp‎ | kjpWp > kjp > သီလ

ဏင့်ဆာႋဆ်ုမာ၊ နိုဝ်ဆမုလဝ်၊ သာဆ်ုကုင်းဟ်ုစာ် ဆ်ုမာသိင့်မိင်ၮှ်အိုဝ် ၜေမ်ုၯေဝ်အွာသိုဝ် ဒ္ဂေတ်ဖံင်းကိုင်ဆ်ုဏှ်အိုဝ် ကိုဝ်ဝေ့ "သီလ"ၮှ်လှ်။

ဗုဒ္ဓဏှ် ကျာ်က်ုဆာႋကၠံင်၊ ဘာႋသာၮှ် တွဝ့်ဓဝ်ႋယှံင်၊ ၜေတွဝ့်သိုဝ် ဒ္ဂေတ်ဏှ်၊ ကိုဝ်ဝေ့ ဗုဒ္ဓဘာသာ (ၜါသံဃာ)လှ်။ ၜါသံဃာဓဝ်ႋအ်ုဖၠံင်ကျံင်း သီလၮှ် ယာဲမိင်၊ ခုဲႋမိင်၊ ဆီ့မိင်ဆ်ုကဲထင်းလ်ုယာ့လ်ုၮီ အ်ုၯာင်ႋအ်ုဖၠံင်အှ်ဍးဝေ့ဆေဝ်ႋလှ်။

ဖံင်းကိုင် သီလပါဠိ အ်ုခဝ့်ပ်ုယဝ့်Edit

(၁)မာသီ့ဆ်ုသုင်းသာ၊ ဝေင်ႋပွယ်သာ၊ သိက္ခာဒ္ဂေတ်လှ်။ (၂)အင်းၯူးဆ်ုမာ၊ ဝေင်ႋပွယ်သာ၊ သိက္ခာ​ဒ္ဂေတ်လှ်။ (၃)မာၯာၯံင် ဆ်ုဖေါဟ်မာ့/ဝါ၊ ဝေင်ႋပွယ်သာ၊ သိက္ခာဒ္ဂေတ်လှ်။

(၄)အင်းလဝ့်ခၠယ့်က္ဍာ၊ ဝေင်ႋပွယ်သာ၊ သိက္ခာဒ္ဂေတ်လှ်။

(၅)အဝ်သာ်သုရာ ဝေင်ႋပွယ်သာ သိက္ခာဒ္ဂေတ်လှ်။

သီလခိုင့် ဖ်ုယာဲထဝ်Edit

ဒြပ်ထင်းထဝ့်၊ မိင်ဖၠဟ်မုက်လာ၊ နုက်ဂမၠိုင်ႋကၠာ၊ မေံၮာ့လမုၜၠါ၊ ပါ်ပုဂ်လ်ုဍး၊ မွာဲၜးသီ့ခါ့၊ ထံင်သွဝ့်၊ တွဝ့်ကျာ်က်ုဆာႋ။ လ်ုမိင်ဍဝ် အေမွာဲ ဟ်ုလ်ုၯာ အ်ုကျိုဝ်ႋယာဲမိင် ဒ္ဂေတ်သီလအှ်ဍုဂ်ပါင်ဆါ်ၜိုဝ် မ်ုၮေဝ်ႋစာသိုင့်ဝေ့ ဒ္ဂေတ်သီလဏှ်လဝ့်။ ဟ်ုဏှ် ဒြပ်ပိုင်ဟာန့်ဍောဟ်ယှာႋစီကၠာထင်း၊ အ်ုမိင်မုက်လာ သာယာင်ဍောဟ်မာႋလှ်။ ပွါ်တ်ုဖင်ႋ လ်ုစံင်းၯေဝ်လ်ုစံင်းၯေဝ် အ်ုၮှ် ဆ်ုပါဍောဟ်ကၠ်ုလှ်။ ယှူးယှူးၜါၜါ သီ့ၜးသီးသီ့ၯံင် ထာင်လ်ုယာ့သီး အ်ုၮှ် ထာင်းၜးဝေ့ လ်ုအ်ုၯေဝ်လှ်။

သီလခါႋ ဆ်ုဍယ်ၜါယာဲမိင်Edit

ဒြပ်လင်ယှာ၊ မိင်သာလ်ုမုက်၊ နုက်ဂမၠိုင်ႋကၠာ မေံၮာ့လင်အုဂ်၊ သာပါ်ပုဂ်ဆာႋ၊ သီ့ခါ့ပါယ်ခၠုဂ်၊ သီ့လခါႋ ယာဲဖါ ဍယ်ၜါယုဂ်။ သီလခါႋ ဆ်ုၯံ့ပၠဝ်ယာဲမိင် ၯာၯံင်ဆါ်ၮှ်အိုဝ် ၜးဍးဝေ့ ဒ္ဂေတ်လ်ု​ၯေဝ်ၜးၮှ်လဝ့်။ ဟ်ုၮှ် ဒြပ်ပိုင်ဟာန့် ၜးၯာၯံင်ၯံင် အ်ုပြိုင့်လ်ုၯေဝ်ၜး သာယာင်မာႋလှ်။ ပွါ်တ်ုဖင်ႋ လ်ုစံင်းၯေဝ် လ်ုစံင်းၯေဝ် အ်ုၮှ် ဆ်ုပါဍောဟ်လ်ုအှ်အေးဍးၯံင် ၜးသီ့သီး ယှူးယှူးၜါၜါမွာဲအေး။ သီ့ၯံင်ဍဝ် ၜးထာင်လ်ုဆ်ုလ်ုၯေဝ်ၜးၮှ်လှ်။