Wp/kjp/ဝီးကေဝ်ပီဍီယာႋ

< Wp‎ | kjp
Wp > kjp > ဝီးကေဝ်ပီဍီယာႋ

ဝီႋကေဝ်ပီဍီယာႋယ်ုဝ်ဏှ်ၜိုဝ် အ်ုမေလေံကိုင်ခါန်ႋပ္ကုံဍွ​ယ် အ်ုခင်းခီ့ထိုဝ် ဆ်ုမာၜိုဝ်မာဆိုင်ကုံလွာဲ ဝီႋကေဝ်မေဝ်ဍေႋယာ ဖါန်ဍေးယှေန်ႋခဝ့် တါ်ခေါဟ်အင်းတါင်မာထင်းဖှ်ေထာ ဘာႋသါ့လိက်ဆ်ုခၠါင်ကုံ ဍေ အ်ုၯါင်ႋအ်ုကျံင်းအးမိင်အးစိင်အှ်အးဝေ့ အ်ုလူႋအ်ုၰိုဲလ်ုအှ် အေန်ထဏဲ့ အ်ုထံင့်အ်ုကျံင်းပ္ကုံထ​ဝေ့ ပ်ုရောန်ဂျက်လ်ုဖူ့ဆေဝ်ႋလှ်။

ဝီႋကေဝ်ပီဍီယာႋ ဟ်ုကောဝ်ဆ်ုမိင်ယိုဝ် မၞီဟ်သယ်နုက်လင်ဖံင်းခိုင့်ထင်းစူးကေဝ်ဏေဝ်ႋဝေ့ဍး ၜးဆါင့်ဝါဲ့ဆိက်သၞောဝ့်ပညာ့ၯာင်ႋၯံင် မွာဲဝေ့ ဝီႋကေဝ် (မွာဲဝေ့ ဘာႋသာ့ဆ်ုခၠါင် ဟ်ုဝါ်အေံၯံင် "ဖၠာဲဖၠာဲ"ဝေ့ အ်ုခဝ့်အှ်ဝေ့ဍးဆေဝ်ႋလှ်။) ဍေ အ်ုခဝ့် ဆ်ုခၠါင်ပ္ကုံအှ် မွာဲဝေ့အေန်စါင့်က်ုလိုဝ်ဖှ်ေဍေဝ်ႋယ (လိက်ဆ်ုၯာင်ႋကိုဝ်မိင်)အိုဝ်ဏှ် အေန်ဂ်ုလါ်ဆ်ုခၠါင်ဖၠုံးသယ်လ်ုဖး ပ္ကုံကျာဍိင်ဖှ်ေထ​ဝေ့လှ်။ ဂျေန်မေဝ်ဝေး ဍေ လါရေံန်ဆိုင်ကါသယ်ခဝ့် ၂၀၀၁ ဏိင်း၊ လါဏင့်ဖိုင် ၁၅မူးသင့်ခါ့ ပ္တံင်ထင်းဝေ့ၯံင် ဆ်ုခၠါင်ဘာႋသာ့ကုံကံင်းဏှ်အိုဝ် မၞိဟ်သယ်ခဝ့် ဆ်ုသှ်ေယာ့ဏာႋၯိုင့်သယ်လ်ုဖးဏှ်အိုဝ် အ်ုဍံင်ချုဂ် မ်ုပ္ကုံၯင်ႋ ဆ်ုပ်ုယေါတ်ဏှ်ဆေဝ်ႋလှ်။

ဝီႋကေဝ်ပီဍီယာႋအိုဝ် ဆ်ုခၠါင်ဘာႋသာ့ (၂၈၈)မိင်ဏှ် ကေဝ်ထင်းထ လိက်သါထိင်ႋကုံကံင်း ထ်ုလယ့် ၃၅ သုဂ်အှ်ဝေ့ဍးဆေဝ်ႋလှ်။ ၂၀၁၄ဏိင်း လာထါင့်ခုက်ဖါဍောဟ်လေဝ်ထံင်ထုက်အ်ုဏါင်းအိုဝ် ဆ်ုအွးလင်ယောဝ်ႋယှံင် အ်ုၜၠင်ကုံကံင်းအှ်ဝေ့ ၁၈ ကုဋ်ဝေ့ထင်းၜါဍးၯံင်၊ ကိုဝ်လါကိုဝ်လါ အွးလင်းပဝ်ႋဆာႋ သုဂ်၅၀၀ထင်းၜါဝေ့ဆေဝ်ႋလှ်။ ထိုင့်ကောဝ်ကြင်ဆါ်ၜိုဝ် ဝီႋကေဝ်ပီဍီယာႋ ဆ်ုအင်းတါင်ဆာႋ အ်ုကုဂ်ကုံကံင်း ၁၉သုဂ်ထင်းၜါၜေ့ဏှ်အိုဝ် ဏိင်း ၂၀၁၄ လါလာဏါင့်စ်ုရင့်လ်ုဖးဏှ်အိုဝ် ထေံ့ဖၠယ်ဆ်ုအင်းတါင်ဆာႋ ကုံးကံင်း ထင်းၜါ ၆၉,၀၀၀ ၯာဆေဝ်ႋလှ်။


လ်ုဍုဂ်ပါင်လိက်သါထိင်ႋယိုဝ် ဆူ့ဏဲဖၠဟ်ၰိုဲ ၮေဝ်ႋသာ့ဆ်ုလှ်။ အေမွာဲမာၜိုဝ်မာဆိုင်ၜးသာ ဝီႋကေဝ်ပီဍီယာႋဆါ်ၜိုဝ် ဆူ့ထါင်ပါင်လာ ထံင်ႋအ်ုလင်ႋယိုဝ်ၮ်ှလှ်အိုဝ်.