Wp/kjp/ဖၠုံမၞီဟ်မနုဿ ပိုင်ဌာန့်ၯင်ႋ လိက်လဝ်ပျာ

< Wp‎ | kjpWp > kjp > ဖၠုံမၞီဟ်မနုဿ ပိုင်ဌာန့်ၯင်ႋ လိက်လဝ်ပျာ

ခါန်ႋအှ်ကုံရုံ့ ကိုဝ်ကိုဝ်ဖိုင် အှ်ကံင်းအှ်ကုံၜုံးဍောဟ်ဖိုင် ခါန်ႋညာညာႋသါ် မၞီဟ်ပိုင်ဌာန့်ၯင်ႋ လိက်လဝ်ပျၮှ် ထုဂ်ဖၠဟ်လဝ်ပျလင်ထင်းၜးဝေ့ (ၮိင်းသာထာ် ၁၉၄၈ၮိင်း လာဍေဝ်ဇေန်ၜ်ု အ်ုသင့် (၁၀)မူႋၮီဍးအိုဝ်ၮှ် ပျေံန်သေံထီ့ခါန်ႋ၊ Palais de Chaillotအိုဝ်ၮှ် ထုဂ်ၮေဝ်ႋၜးအ်ုတိုင်ၮှ်ဆေဝ်ႋလှ်။) ကေါဝ်ကြင်ဆ်ုတၟေင့်အ်ုကျံင်ကေဝ်ထ​ဖှ်ေ The Guinness Book of Records လိက်အုဂ်ဍွယ်ဖိုင်ၮှ် ခါန်ႋညာညာႋသါ် မၞီဟ်ပိုင်ဌာန့်ၯင်ႋ လိက်လဝ်ပျယိုဝ် ကေါဝ်ကြင်ခေါဟ်ဍာဝယ် ဆ်ုခၠယ့်ထါင် အ်ုအးထုက် လိက်လဝ်ပျအ်ုဖူ့ၜေၮှ်သိုဝ် ပါတိင့်ထင်းထါင်ၮေဝ်ႋယုဂ်ဆေဝ်ႋလှ်။

ဆ်ုခၠါင်လဝ်ဝီႋလ်ုယာ့Edit

ၮိင်းသာထာ် ၁၉၄၈ၮိင်း၊ လာဍေဝ်ဇေန်ၜ်ု အ်ုသင့်(၁၀)မူႋၮီဍးအိုဝ်ၮှ် ကုလသမဂ္ဂဆိုဒ်ပ္ကုံ ဆ်ုအှ်ကံင်းကိုဝ်ကိုဝ်ဖိုင်ဏှ် ထုဂ်ဖၠဟ်လဝ်ပျာလင်ၜးဝေ့ လိက်ကေါဝ် ကြင်မနုဿဖၠုံမနုဿပိုင်ဌာန့်ၯင်ႋယိုဝ်ၮှ်လှ်။ လိက်လဝ်ပျာဝေ့ လိက်ဖၠုံးဍုဂ်ဍုဂ်ပါင်ပါင်ယိုဝ် ထုဂ်ဖၠဟ်ဍုဂ်ၮဲလင်ထ အှ်လ်ုလိက်မေံၜၠာ် အ်ုလင်ႋခါင့်ခဝ့် လ်ုစံင်းဖိုင်ယိုဝ်ၮှ်လှ်။

ၜေၮှ်သိုဝ် ကုက်မာထင်းၜးဝေ့ ဆ်ုမာမေင်စိင်ႋအှ်ၮှ်ၯံင် ကုလသမဂ္ဂဆိုဒ်ပ္ကုံ ဆ်ုအှ်ကံင်းကိုဝ်ကိုဝ်ဖိုင်ယိုဝ်ၮှ် ကုလသမဂ္ဂဆိုဒ်ပ္ကုံ အ်ုလွာဲဖေါဟ် ထီ့ခါန်ႋလုက်ဆိင့်အ်ုၯင်ႋ လိက်လဝ်ပျာဝေ့ လိက်ဖၠုံးဆ်ုခၠါင်သယ် လ်ုဖးယိုဝ် ၜေ့သိုဝ်ဂမၠိုင်ႋသယ် ၮးမ်ုကၠ်ုခၠင့်ၜးသိုဝ် အင်းတာင်ကုက်မာလင်ၜးလာႋ အေးၯံင်ဍဝ် ထီ့ခါန်ႋသယ် (လ်ုမွာဲၜးသီး) ကၞင့်လင်ႋဍာသယ်ဝေ့ ထီ့ၯါင်ႋခါန်ႋၯါင်ႋ အ်ုထောတ်အ်ုဆင့်ၮှ် အှ်ကှ်ေကါင်ဖါသာသယ် လ်ုအှ်ၮင်မိင်ၮှ်ၯံင်၊ အ်ုသ်ုခီႋထုက်ၮှ် ကျံင်ႋဖိုင်သယ်ဍေ ပညာ့လိုဒ်ႋလာအ်ုဍံင်းအ်ုဖူ့ အ်ုၯူ့ၯာသယ်အ်ုကၠာၮှ် ဖ်ုရီ့အင်းၮင်ဖှ်ေလင့်လင်ၜးလာႋ၊ ပဝ်ႋပျာလင်ဖှ်ေၜးလာႋ အေၯံင်ဍဝ် ပုဂ်အ်ုခဝ့်ထုဂ်ဖၠဟ် ဖှ်ေၜးလာႋလိက်လဝ်ပျာယိုဝ်ၮှ် ပ္တိင့်လဝ်ၮါႋၯိုင့်လင်ၜးဝေ့လှ်။


အ်ုခင်းထါ်Edit

ဖၠုံမၞီဟ်လုက်ဆိင့်လုက်ခၠါဝေ့ ၯယ့်ၮေဝ်ႋထဝယ်ၜး ဂုၮ်ႋကျာ်သြီ့ ဍေ ၜးၯဝ်ႋမဝ့်မှ်အှ်သာၯံင် ထုဂ်ယှးခွိက်ဍဝ်လ်ုၮေဝ်ႋၜး ပိုင်ဌာန့်ၯင်ႋသယ်လ်ုဖးယိုဝ် သှ်ေယာ့ပါဍောဟ်လင်ၜးယိုဝ်ၮှ် မွာဲဝေ့ဍးကောဝ်ကြင်ဖိုင် ဆ်ုဖံင်ဆ်ုဖၠေဝ်၊ ဆ်ုၜးၯဝ်ႋၜးဓဝ်ႋ ဍေဆ်ုယှူးဆ်ုၜါသယ်အ်ုၯင်ႋ မွာဲအ်ုဝီႋခၞါၮှ်လ်ုမိင်၊ လ်ုပါတိင့်ပါညး လ်ုပါကါ မၞီဟ်ပိုင်ဌာန့်ၯင်ႋၜးၮှ်ၜိုဝ် မွာဲဝေ့မာၯာၯံင်ခွိက် ဖၠုံမှီဟ်ဖေါဟ်သယ်ဝေ့ ဆ်ုသှ်ေဖၠယ် စ်ုဆံင်းမံင်းလင်ၜး ဆ်ုအ်ုၜးအ်ုမွာဲ အ်ုၯာင်ႋအ်ုကျံင်းသယ်ကဲသိုဝ် ကဲထင်းထါင်ဆ်ုထြိုဒ်ႋ ဆ်ုသယ်အ်ုခေါဟ်ကျံင်ၮှ် လ်ုမိင်၊ ထုဂ်ဖၠဟ်လဝ်ခၠါင်ၜးဆ်ု ဖံင်ဖံင်ဖၠေဝ်ဖၠေဝ်ကဲ၊ ပ္ထဲါၮယ်အင်းၜးဆ်ု ဖံင်ဖံင်ဖၠေဝ်ဖၠေဝ်ကဲ၊ ဖံင်ဖၠေဝ်ခွိက် ဆ်ုၜးသာမဲဆ်ု ဍေ ဆ်ုလ်ုလိုင့်ၰိုဲၜးသာသယ်ၮှ်ကဲ ၜေၮှ်သိုဝ်ဆ်ုလ်ုဖးယိုဝ် မ်ုအင်းၰံင့်တုင်ႋၮေဝ်ႋၜး မၞီဟ်လောကလ်ုမိင်ယိုဝ် ဖၠဟ်ထင်းကဲၜးလာႋအ်ုၯင်ႋယိုဝ်ၮှ် မွာဲဖၠုံမၞီဟ်အိုဝ်ၯေဝ်အိုဝ်ၯေဝ်လုက်ခၠါဝေ့ အ်ုဍောဟ်ထဝ့်ထုက် ဆ်ုပ်ုယေါတ်ၜေၮှ်သိုဝ် လဝ်ပျာလင်ထ ၯံင်ယုဂ်အ်ုခေါဟ်ကျံင်ၮှ်လ်ုမိင်၊ ဖံင်းကိုင်မာၮေဝ်ႋထ အ်ုသံင့်အါၮါ့ၯံင် ပိုင်ကၠိုင်လင်ဆ်ု လ်ုၜးပၞံင့်အေၯံင်ဍဝ် မာနိုင်ဆင်းလင်ၜိုင်ဆ်ုသယ်ယိုဝ် ၜေသိုဝ်ဖၠုံမၞီဟ်သယ် လ်ုထံင်ၯးၜး လ်ုဆ်ုအ်ုလင်ႋခါင့်ထုက်ဖိုင်သာတိုဒ်က်ုရေင့်ဆင်းၰးဆိုင့်ထာင်ဆ်ုအိုဝ် ၜးသယ်ၮှ်သိုဝ်ၮှ်အ်ုၯင်ႋ မၞီဟ်ပိုင်ဌာန့်ၯင်ႋယိုဝ် လ်ုအှ်လ်ုသှ်ေ ကြိုဒ်မ်ုၜးအှ်ဍေ ထုံ့ခွင်ႋကဝ် အ်ုခ်ုဝုင်ႋဝေ့ က်ုဝင်ပ်ုဍင်ဆိုင့်ၮေဝ်ႋထ အ်ုခေါဟ်ကျံင်ၮှ်လ်ုမိင်၊ ထီ့ခါန်ႋတ်ုကိုဝ်ႋတ်ုကိုဝ်ႋသယ်လ်ုဖး ထိုဝ်ၜုဂ်လေါတ်သာမုက်မုက်လါလါ ဍေဍောဟ်ယှါႋထင်းထဝ့်ဆ်ုမာသယ်အ်ုၯင်ႋ လ်ုအှ်လ်ုသှ်ကြေိုဒ်ၜးအှ် ဍေၜးဆါင့်ထ္ၜါထင်းဆိုင်အ်ုခေါဟ်ကျံင်ၮှ်လ်ုမိင်၊ ကုလသမဂ္ဂဆိုဒ်ပ္ကုံအ်ုလွာဲဖေါဟ် ထီ့ခါန်ႋသယ်လ်ုဖးဝေ့ ဂမၠိုင်ႋသယ်လ်ုဖးယိုဝ် မၞီဟ်ပိုင်ဌာန့်ၯင်ႋ အ်ုထါ်အ်ုၜံင်၊ မနုဿဂုၮ်ႋကျာ်သြီ့ ဍေအ်ုလူႋအ်ုၰိုဲ၊ ဆိုဒ်ဖေါဟ်မူးဍေ ဆိုဒ်ဖေါဟ်ခွါ့ ပိုင်ဌာန့်ၯင်ႋ ၮေဝ်ႋၜးမဝ့်မှ်ကဲသယ်လ်ုဖး အ်ုသီးဝေ့ဍးသယ် ၮယ်လင်အင်းၜးၮှ် ကုလသမဂ္ဂဆိုဒ်ပ္ကုံလိက်ပဋိညာဉ် (လိက်သုင်းသာဝီးလာ)ဖိုင် မာၮေဝ်ႋထုဂ်ၜးထါင်ဝေ့ဍး အ်ုတိုင်ၮှ်ၯံင်၊ ဆ်ုဖံင်ဖၠေဝ်အှ် လာဲလျာႋသ်ုဝါ့ အ်ုကၞင့်ဖိုင် မၞီဟ်လိုဒ်ႋလါ ဍောဟ်ယှါႋထင်းထဝ့်ထင်းအေၯံင်ဍဝ် မၞီဟ်အ်ုကျးအ်ုထေါတ်အ်ုဆင့် ၯေဝ်ထင်းထဝ့်ထင်းအ်ုၯင်ႋသယ်လ်ုဖးယိုဝ် ဍေမ်ုၜးဆိုဝ်းထ္ၜါထင်းထါင်ၜးအ်ုၯင်ႋၮှ် မွာဲတုင်ႋပါင် လင်သာၯံင်ခွိက်ယုဂ်အ်ုခေါဟ်ကျံင်ၮှ်လ်ုမိင်၊ ကုလသမဂ္ဂဆိုဒ်ပ္ကုံအ်ုလွာဲဖေါဟ် ထီ့ခါန်ႋသယ်လ်ုဖးယိုဝ် ဖံင်းခိုင့်ထင်းၜးစူးဍေ ကုလသမဂ္ဂဆိုဒ်ပ္ကုံအ်ုဍံင်းအ်ုဖူ့ယိုဝ်ၮှ်ၯံင် မၞီဟ်ပိုင်ဌာန့်ၯင်ႋသယ် ဍေဆ်ုဖံင်ဖၠေဝ်အ်ုထါ်အ်ုၜံင်သယ်လ်ုဖးယိုဝ် ကေါဝ်ကြင်ထိုင့်ၜိင်းသာ့ၜေသိုဝ် ပါဍောဟ်ယုဂ်ယါန်းထင်းထါင်ၜး အးထင်းလာဲထင်းအိုဝ်အ်ုၯင်ႋ မ်ုကုက်မာဍးဝေ့ ၜေၮှ်သိုဝ် မွာဲတုင်ႋပါင်လင်သာခွိက်သာၯံင်အ်ုခေါဟ်ကျံင်ၮှ်လ်ုမိင်၊ က်ုယာဲမၞီဟ်ပိုင်ဌာန့်ၯင်ႋဍေ ဖံင်ဖၠေဝ်ၜးကဲသယ်လ်ုဖးယိုဝ် ၮးသှ်ေလင်ၜးထါင်ဖၠေဝ်ႋဖၠေဝ်ႋယိုဝ်ၮှ် မွာဲဝေ့ဍး ဍေမ်ုကုက်မာတါင်ထင်းၜးထါင် ဆ်ုတုင်ႋပါင် လိုင့်ၰိုဲဍုဂ်ပါင်ကဲသိုဝ်အ်ုၯင်ႋ မွာဲဆ်ုအ်ုခေါဝ်ႋ အ်ုဍောဟ်ထုက်အ်ုခေါဟ်ကျံင်ၮှ်လ်ုမိင်၊ ဖၠုံမၞီဟ်ကိုဝ်ႋၯာ၊ အ်ုဍံင်းအ်ုဖူ့ကိုဝ်ႋမိင်သယ်ယိုဝ် အှ်ကှ်ေလင်ၜးထါင် လိက်လဝ်ပျာယိုဝ် လ်ုသုင်းသာအ်ုခီ့ဖိုင်ၮှ်ၯံင် ထိုင့်ကေါဝ်ကြင်သာ့ၜေ့သိုဝ် ပါဍောဟ်ယုဂ်ယါန်းထင်းထါင်ၜးလါႋ က်ုယာဲလိက်လဝ်ပျာယိုဝ်အ်ုၯင်ႋၮှ်အိုဝ် မာလေါဟ်မာဍံင်ဖှ်ေလင့်ဖှ်ေသယ်၊ ဖှ်ေလင့်ဖှ်ေထါင် ဆ်ုသှ်ေယာ့ ပညာ့သယ်ၜေၮှ်သိုဝ် ကုက်မာထင်းၜးလါႋအ်ုၯင်ႋၮှ်လ်ုမိင်၊ ကုလသမဂ္ဂဆိုဒ်ပ္ကုံအ်ုလွာဲဖေါဟ် ထီ့ခါန်ႋသယ်ဍေက်ုယာဲထီ့ခါန်ႋသယ်လ်ုဖးဝေ့ ပိုင်ကၠိုင်လင် ၜးအ်ုသံင့်အာၮါ့အှ် ကၞင့်လင်ႋဍာသယ်ဖိုင် ဂမၠိုင်ႋဖေါဟ်သယ်ခဝ့်ယိုဝ်ၮှ် က်ုယာဲပိုင်ဌာန့်ၯင်ႋဍေ ဆ်ုဖံင်ဖၠေဝ်ၮေဝ်ႋ ၜးပိုင်သယ်လ်ုဖးယိုဝ် ၜေသိုဝ်ပါတိင့်လံင်ပျုက်ထင်းထါင်းၜးလါႋ ၰိင်ၰိင့်လေံအိုဝ်ကဲ အ်ုၯင်ႋယိုဝ်ၮှ်ၜိုဝ် ထီ့ခါန်ႋလ်ုဆင့်ဍေ ခါန်ႋကိုဝ်ႋကိုဝ်လ်ုဆင့်ခဝ့်သယ်အ်ုဖိုင် ၜေသိုဝ်ကုက်မာထင်းၜးလါႋ ဍေဆ်ုသုဂ်ကၠယ် အ်ုကၠံင်ႋပၞံင့်ထင်းထဝ့်အှ်သယ်ၮှ်သိုဝ်ၮှ် ပ်ုယေါတ်လင်ၜးၯံင်၊ ထီ့ခါန်ႋလုက်ဆိင့်၊ ဖၠုံမၞီဟ်လုက်ဆိင့်သယ် ၜေမ်ုၮေဝ်ႋဆ်ုဖၠံင့်ၯးသိုဝ် မ်ုၜးကုက်မာထင်းၜးဝေ့ ၜေသိုဝ်ၜးဆါင့်ၜးကွါဍေအ်ုဖၠုံကိုဝ်ႋၯာ ဒ္ဂေတ်ယေါဝ်ႋဍံင်လင်ၜးကဲ ဆ်ုလ်ုမိင်ၮှ်သိုဝ်ၮှ် ကုလသမဂ္ဂဆိုဒ်ပ္ကုံ ခါန်ႋကိုဝ်ကိုဝ်ဆ်ုအှ်ကံင်းဖိုင်ခဝ့်ယိုဝ်ၮှ် အ်ုခါ့ယိုဝ်ထုဂ်ဖၠဟ်လဝ်ၮါႋၯိုင့်လင်ၜး ကေါဝ်ကြင်ဖၠုံမနုဿ မၞီဟ်ပိုင်ဌာန့်ၯင်ႋလိက်လဝ်ပျာယိုဝ်ၮှ်လှ်။


ကၞါင့် - ၁

ဖၠုံမၞီဟ်လုက်ဆိင့်လုက်ခၠါယိုဝ် ဖါထင်းၜးၜေသိုဝ် ဟ်ုမၞီဟ်ဖံင်ဟ်ုမၞီဟ်ဖၠဟ်သယ်ၮှ် လုက်ခၠါလဝ့်ၮှ်ၯံင် ဂုၮ်ႋကျာ်သြီ့ဍေ ပိုင်ဌာန့်ၯင်ႋသယ်လ်ုဖး အှ်ၜးဝယ်ဝေ့ထဝ့်ၯံင်မဝ့်မှ်လှ်။ ဖၠုံမၞီဟ်ဖေါဟ်သယ်ယိုဝ် အှ်ဝေ့ဍးဆ်ုသှ်ေယါ့ၮးသှ်ေ ခိင့်ဖါအင်းၮင်ဆ်ုသှ်ေ ဍေအ်ုၜးအ်ုမွာဲအ်ုၯင်ႋ ဍင်းဖါအင်းတါင်လင်ကဲခေါဟ်နုက် (ဥာၮ့်)သယ်ၮှ်ၯံင်၊ ကိုဝ်ႋၯာဍေကိုဝ်ႋၯာဍေယိုဝ် ကြိုဒ်မ်ုၜးဒ္ဂေတ်ဍုဂ်ၮဲလေါတ်သာၮှ် ၜေ့သိုဝ်ထိုင့်ဖူ့ဝဲါသယ်ၮှ်သိုဝ်ၮှ်လှ်။

ကၞါင့် - ၂

ဖၠုံမၞီဟ်ကိုဝ်ႋၯာဍေယိုဝ် ဆိုဒ်ဆး၊ ဖါ်ယးအ်ုယံင့်၊ အ်ုခွါ့၊ အ်ုမူး၊ ဆ်ုခၠါင်၊ ဆ်ုပ္တဲါသာ၊ ထီ့ၯာင်ႋခါန်ႋၯာင်ႋလ်ုမွာဲၜးသီး ဆ်ုၮယ်အင်းလ်ုအ်ုၯူ့ၯာ၊ ခါန်ႋဆိုဒ်ဖေါဟ်လ်ုမွာဲၜးသီး ၜးဆောင့်ဍေ မၞီဟ်လိုဒ်ႋလာ အ်ုထောတ်အ်ုဆင့် အ်ုထါ်အ်ုၜံင်၊ ဒြပ်ခ်ုသိုဝ်ဂုၮ်ႋအှ်၊ ဆိုဒ်ၜံင်ဇာတာ်ဂုၮ်ႋအှ် ဍေ အ်ုထောတ်အ်ုဆင့်အ်ုၯူ့ၯာသယ်ဆ်ုလ်ုဖးယိုဝ်ၮှ် ကါင်ဖါသာသယ် ၮင်ႋမိင်လ်ုအှ်ၜးၮှ်ၯံင် ထုဂ်ဖၠဟ်လင်ထ လိက်လဝ်ပျာအ်ုဖိုင်ပါ ပိုင်ဌာန့်ၯင်ႋဍေ ဖံင်ဖၠေံၮေဝ်ႋၜးကဲသယ် လုက်ဆိင့်ယိုဝ် အင်းၰံင့်တုင်ႋၮေဝ်ႋၜးပိုင် အေၯံင်ဍဝ် ဖၠုံမၞီဟ်လ်ုၯာအှ်လင်ထေံလင်ၜးထီ့ခါန်ႋအေလ်ုမွာဲၜးသီး ကၞင့်လင်ဍာဖိုင်ယိုဝ် အှ်ၜးဍေအ်ုသံင့်အာၮါ့ဆ်ုပိုင်ကၠိုင်လင်ႋဍာဖံင်ဖၠေံသီးမွာဲအ်ုၯေဝ်၊ မွာဲလင်ႋဍာလ်ုၮေဝ်ႋၜး ၮင့်က်ုဆာႋဍးဝေ့ ပိုင်ကၠိုင်လင်ၜးကဲ အ်ုသံင့်အါၮါ့အှ်ၮှ်သီးၮှ်မွာဲအ်ုၯေဝ် အေလ်ုမွာဲၜးသီး ဍေ အ်ုသံင့်အာၮာ့ဆ်ုပိုင်ကၠိုင်အ်ုၯင်ႋ အှ်ဍေဆ်ုယါထဝယ်လ်ုမိင်မိင် လင်ႋဍာၜေၮှ်သိုဝ်သီးမွာဲအ်ုၯေဝ် အ်ုဝေ့ဍးဝေ့ထီ့ၯင်ႋခါန်ႋၯါင်ႋ၊ တာင်ခွင်ႋၮေဝ်ႋၜးပိုင် အေလ်ုမွာဲၜးသီး ဍေခါန်ႋကိုဝ်ကိုဝ်အ်ုၯင်ႋ အ်ုထောတ်အ်ုဆင့်လ်ုမိင်မိင်သယ်ယိုဝ် ကါင်ဖါဆင်းၰးသာသယ်ၮှ် မာၜးအေး။


  လ်ုဍုဂ်ပါင်လိက်သါထိင်ႋယိုဝ် ဆူ့ဏဲဖၠဟ်ၰိုဲ ၮေဝ်ႋသာ့ဆ်ုလှ်။ အေမွာဲမာၜိုဝ်မာဆိုင်ၜးသာ ဝီႋကေဝ်ပီဍီယာႋဆါ်ၜိုဝ် ဆူ့ထါင်ပါင်လာ ထံင်ႋအ်ုလင်ႋယိုဝ်ၮ်ှလှ်အိုဝ်.