ထိုင့်ဖါ့ပြ၊ ထိုင့်ဝင်ထံင်ႋ၊ ထိုင့်မိက်ပြင်၊ ထိုင့်လာ့ခ္ဍါ၊ ထိုင့်ထုဲးမင်ထောဝ်သီးဏှ်လှ်။ ထိုင့်ဖါ့ပြဏှ် ရုပ်ကျာ်အှ်အး ဆ်ုလေဝ်ပူဇဲၜါစွး အ်ုမိင်ဖၠဟ်ဍောဟ်ဝေ့လှ်။ လ်ုဏိင်းလ်ုၜၠင် လာတာထင်းၰိုဲဏှ် ၜုံးအ်ုဘေင်ႋအှ်ဝေ့ ကိုဝ်ဏိင်းဍေလှ်။ ထိုင့်ဝင်ထံင်ႋဍေ ထိုင့်လာ့ခ္ဍါသီးဏှ်ၯး လ်ုဏိင်းလ်ုၜၠင် လာထာင့်ခုက်ဖါဍောဟ်ထင်းၰိုဲဏှ် အ်ုဘေင်ႋအှ်ဝေ့ ကိုဝ်ဏိင်းဍေလှ်။
ထိုင့်မိက်ပြင်ဏှ် လ်ုဏိင်းလ်ုၜၠင် လာတာလင်လ်ုသင့်ဏှ် အ်ုဘေင်ႋအှ်ဝေ့ ကိုဝ်ဏိင်းဍေလှ်။ ထိုင့်ထုဲးမင်ထောဝ်ဏှ်ဍဝ် လ်ုဏိင်းလ်ုၜၠင် လာတာယောတ်ထင်း (၈)သင့်ဏှ် အ်ုဘေင်ႋအှ်ဝေ့ ကိုဝ်ဏိင်းဍေဆေဝ်ႋလှ်။ ထိုင့်ရုပ်ကျာ်အှ် လ်ုအ်ုၰာႋၰံင် အ်ုမိင်လ်ုဖၠဟ်ၜးဏှ် အှ်အးဝေ့ဍာ်ဆေဝ်ႋလှ်။
ထိုင့်ၜးဏင်ဏင် လ်ုဝီႋဍးအိုဝ် ရုပ်ကျာ်သယ်အှ်ဝေ့အးလာႋဏင့်သီး ထံင်ထာင် ဏီ့ၜၠင်လ်ုၜၠင် ကောဝ်တြာ်ဆ်ုဍုဂ်ဖါဍောဟ် ဂျာပင့်ၯယ့်လင်ခါ့ဍးအိုဝ်ဏှ် ဆ်ုခုင်းၯာၯံင် ရုပ်ကျံင် ဆ်ုကၠောဝ်ဏေဝ်ႋခွိက် ရုပ်ကျာ်ဖေါဟ်ဍုဂ်ပဲလံင်သယ် အှ်ဝေ့ဍးအ်ုခေါဟ်ကျံင် ထိုင့်ၜးဏင်ဏင်သီး ရုပ်ကျာ်အှ်ဏင်ဆူ့လိုင်အေး။ ၜးအှ်သာ့ ပၠဝ်ပၠေဝ်လှ်။
စင်ၜိုဝ် မောဝ်ႋဖါႋဖီ့ဖူ့ခံင်ႋအယ် စူးလင်ႋၰီ့လာ ထိုင့်ဖိုင် ရုပ်ကျာ်လ်ုဖးဏှ် မာၯာၯံင်လ်ုၰေဝ် တာင်ထင်းဆိုင်လာႋ ကိုဝ်ၯာဍေဏှ်လှ်။