Template:Wp/kiu/Suke San Francisco (bıwane: San Fransisko) zu suka Dewletunê Amerikaê Zubiyauno. San Francisco mıntıqa ra zımê eyaletê Kaliforniya dero. Rocawanê (ğerbê) San Franciscoy de Okyanuso Pasifik esto.
Tarix edit
Tewr raver de Postesuri (İndiani) sero cuyae bi. Serra 1776ine de Espanya ra zaf maciri amey San Francisco u ine zu koloniye/mıstemera vıraşte. Feqet waxtê Cengê Amerika - Meksika (1845–1948), Amerika San Francisco guret. 1849 ra ver bacarê San Franciscoy qızkek bi. Serra 1849ine de mordemê San Franciscoy madenê zerni diyo u xêlê Awrupayız u Çinızi amey San Francisco. O dem ra pey, suke zaf biya gırse. Serra 1906ine de, zu zelzelê gırşi San Francisco kerd xırabe. Ewro San Francisco biyo zu merkezê iqtısad u zagon (kultur)ê Dewletunê Amerikaê Zubiyaun u dınya. San Francisco de bina u bonê zaf berzi (asmên-resay) estê.
İklim u Nıfus edit
İklimê San Franciscoy zê yê Deryaê Sıpêyo, hewaê ho honıko. Serba Okyanusê Pasifiki ra, hewa ne zaf germo ne ki zaf serdo. Zımıstani de zaf sıliye vorena. Herdê San Franciscoy her daim kheweo. Nıfusê suka San Franciscoy 799.263 nefero, labelê nıfusê metropolê San Franciscoy 7 milyono. Zaf mıxtelıf mılleti tede estê: Saro Awrupayız (% 49), saro Asyayız (%30), saro Meksikayız (% 14), sarê Postesuru (İndiyanu) (%0.5). İşğalê sarê Awrupa ra ver aşirê Postesuru tede mendê.
İqtısad edit
San Francisco merkezê iqtısadê Dewletunê Amerikaê Zubiyaun u dınyao. Silicon Valley (Derê Silikoni), Google, Yahoo, Apple u xêlê şırketunê komputeri San Francisco de ronisteyê. Universıta Standfordi u Universıta Kaliforniya suka San Franciscoy derê.
Çımey edit