Koyo Berz yew nuştoxo kirmanc o. Hetanê nika yew ferhengê Zazakî, yew kitabê gramerê Zazakî û tayê kitabê şîîr û estanikan neşr kerdî.
Cuyê Koyo Berzî
editKoyo Berz de serra 1951ine de, dewa Sêwregi Mextele de ameyo cîhan. Wendegehê xo yo destpêkerde hetanî sinifa çarine Anazoyî de wendo. Sinifa pancine zî Sêwregi de, wendexaneyê Şaîr Îbrahîm Rafetî de temam kerdo (1964). Mektebê xo yo mîyanên û Lîse zî Sêwregi de temam keno (1969-1970).
Serra 1977ine de bi tayê hevalanê karî pîya sendiqa "Yeni Ges İşi" virazenê û no beno sekreterê ci. Hetanî Cunta 1980 nê karê xo yê sekretereyî rameno. Ede serra 1977ine de di finî, 1978de di fıni, 1979 de di finî û 1980 de hîrê finî dahwa çepeyî û Kurdîtîye ra êno tepiştene.
Serra 1980 de a menga hewtine de tayînê ney vejenê Yozgat û ê çar teknîsenandê ci zî vejenê Erzirom. Nê raporî gênê û nêşonê, hetanî 12ê Elule 1980î. Serra 1981 de a menga awdarî de dahwa DDKD ra êno tepiştene û 34 rojî Kolejîyê Polîs ê Adana de îskence bin de maneno. Vîradeyêno, fina 1982 de êno tepiştene û 65 rojî Riha îdare de maneno. Serra 1983ine de di finî êno tepiştene û hewt mengî Hepîsxaneyê Qarataşî de maneno. Nê semedan ra karê xo ra êno eştene. Aman nêverdayîşê polîsan , mecbur maneno bar bikero û kêyê xo bibero Sêwregi. Polîsî uca de zî ey rehat nêverdanê. Serra 1986 dr remeno şono (Swêd). Nuştox zewecîno û panc qijê xo benê.
Kitabê xo yo verên "Na Xumxum" a, kitabo dîyin "Sîyamed û Xeca". Xeylê rojnameyanê Kurdkî de zî nuşteyê xo ameyê weşanayene.
Koyo Berzî bı nuşteyê xo yê Tesîrê ziwanî ya xelata Nubihar a hîremine 1994 de girewta. (Nubihar kovara mengan a û Stenbol de vejena).
Biewnî / Qayît bike
editEserê Koyo Berzî ke neşr bîyê
edit- 1. "Kole Nêba" (Kirmanckî Sîîrî).
- 2. "Namdarê Sêweregi-1" (Kirmanckî-Antolojî)
- 3. "Ewro Şo, Meşti bê" (Estanikê Kirmanckî)
- 4. "Dêrsim" (Kirmanckî Sîîrî)
- 5. "Grammerê Zazakî" (Kirmanckî)
Çimeyî
edit