Mela Ehmedê Xasî 1868 Hezan de dadîya xo ra bîyo, 1951 şîyo rehmet (wefat kerdo). Ehmedê Xasî medreseyan de wendo. Kurdî (Kirmanckî & Kurmancî), Tirkî û Erebkî zanayêne. Mewlûdo ke ey nuşto 1899 de Amed de Çapxaneya lîtografya de çap bîyo.
Malmîsanijî no Mewlûd herfanê erebkî ra tada (çarna) herfanê latînkî ser û da naskerdene.
Ehmedê Xasî mabênê serranê 1867 û 1868ine de dewa Licêyê Hezan de ameyo rîyê cîhan. Nameyê pîyê xo Mela Hesen bîyo. Ehmedê Xasî hetê pîyê xo ra dest bi wendişî kerdo. Badê wendişê xo yê dewe feqîtî kerdo û wendişê medresan berdewam kerdo; wendişê xo yo peyên zî Amed de temam kerdo û îcazeyê xo bi miftina Licêyî girewta. Labelê serra 1909ine de Mela Xasî o Amed ra surginê Rodosî kerdo. Ehmedê Xasî 18.02.1951 de cîhan xo bedelnawa û şîyo rehmetîya Heqî.
Ehmedê Xasî demê xo de zaf welatparest bîyo. Goreyê vatişanê kesî yo ke şilasnêne, vanê zaf eserê ey bîyê. Ê badê wefatê ey ra, tersê dewleta Tirkîya ra ameyî vêşanayene. Mela Ehmedê Xasî bi ziwanê Tirkî, Kirmanckî, Erebkî, Fariskî zanayêne. Mewlûdê xo Ehmedê Xasî bi herfanê Erebkî nuşto, peyê cû Çapxanê Firatî çarno ra herfanê Latînkî.