Ebubekir Pamukçu
Ebubekir Pamukçu yew nuştox û siyasetkarê şarê Zazaan biyo. 2.4.1946 de dewa Çermugi, Buderan de ameyo cihan. Wendışê verêni dewa xo de qedêna û dıme kewt imtanê mektebê malımeyi û ser kewt. Mektebê malımeyi Erğeni de wend û uca qedêna. Uca malımeyi girewte, labelê cayanê binan de malımey kerde, sey Dêrsim yan Pulur de.
Serra 1968ine de Stenbol, Şile de zeweciya. Çar tenê domanê xo biy. Badê cû Sembol de universiteyo berz qedêna û tayê cayan de malımey kerde. Serra 1976ine de Stenbol de metbeya kıtab-vetışi herinê. Tiya de pêserokê Piya vete. Na pêserok de xeylê şiirê dewa xo ki estê.
Cunta leşkerê dewrê Kenan Evreni de o karê mualımey ra eşt. O wext ey xeylê neheqiye û işkence vina. Peyniye de mecbur mend û welatê xo terk kerdo. Serra 1983i de ame û Swed de mend. Swed de ki pasif nêvinder. Dewa Zazaistani rê, zıwan, kultur û tarixê Kırmanca ser o guriya. Seba zıwan , kultur û tarixê Kirmancan serra 1985ine de pêserokê Ayrey vet bı.
Serranê 1985-1987 miyan de 14 amarê Ayrey û serranê 1988-1992 miyan de ki ancina 14 amarê Piya veti Labelê serra 1991ine de 18ê menga Temuze de Stockholm de nêweşiya qanseri ra çımê xo nayi werê û reşa heqiya xo.
Ebubekir Pamukçu fraksiyonê "Zazaistan" ra yew biyo.
Bıvênên edit