İswec mıntıqa ra zımê Awrupa dero. Veroz de Danimarka; rozawan de Norwec; rozakotene de Finlanda u Deryaê Baltiki estê. Paytextê İsweci Stockholmo. İswec ezaê Jüyina Awrupa u Mılliyetunê Jübiyauno.
Tarix edit
Waxtê seserra 8. 9. u 10.ine de İswec, Danimarka u Norwec pêro pia Wiking biy. Wikingu qıta Awrupa feth kerde. Serra 965ine, şarê İsweci İsewitêni/Xıristiyanêni qewıl kerde. Waxtê Cengê Dinaê I. u II.ine de dewleta İsweci bêteref biye.
İklim u Suki edit
İklimê İsweci zafêr serdıno. Labelê sebeta Gulf Streami (awa honıke) ra hewaê İsweci honde ki serdın nêbeno.
Sukê gırşi:
- 1. Stockholm. Nıfus: 765,044
- 2. Göteborg. Nıfus: 481,410
- 3. Malmö. Nıfus: 481,410
- 4. Uppsala. Nıfus: 182,076
- 5. Linköping. Nıfus: 136,912
Suka Stockholmi zaf ravêr şiya. Hem merkezê iqtısadi, hem ki merkezê siyasetê İswecia.
Nıfus edit
Nıfusê İsweci 9 milyono. İsweç de zê İraqıc, İranıc u Fılıstinıcu mıxtelıf ilticakerdoği estê. Dinê İsweci İsewitêni/Xıristiyanênia. Hama taê Mısılman u Musewiy (Cıhudi) ki estê. Zono resmi İsweckiyo.
İqtısad edit
İqtısadê İsweci zaf qewetıno. Standardê heyati hewlo. Zaf karkeri ezaê sendiqaê (75%). Serba referendumê 2000ine şarê İsweci perê Ewroy qewıl nêkerdi. Sistemê iqtısadê İsweci sosyalisto. Sistemê weşiye u terbiyeti zaf be qaliteo. Nisbetê nuştoğ u wendoğu 100%o.
İswec her serre Norweci ra pia Haletia Nobeli keno vıla.
Çımey edit