İmparatoriya Usmanızu
İmparatoriya Usmanızu (Usmanızki: Devlet-i Âliye-yi Osmâniyye) seserrunê 13ine u 19ine de jü imparatoriya gırse biya. Usman Beg serra 1299ine de begênia Usmanızu suka Söğüti de nê ro. Begênia Usmanızu hêdi hêdi biye pile u biye jü imparatoriya gırse. Serra 1453ine de hukımdarê İmparatoriya Usmanızu, Memedo II. (Memedo Dıyin) Astamol işğal kerd, İmparatoriya Bizansi kerde xırabe. O taw Usmanızi biy imparatoriye.
Paytextê İmparatoriya Usmanızu suka Konstantinopeli (Astamol) bi. Feqet Astamol ra ver sukê Söğüt, Bursa u Edirney paytext biy. Zonê huyo resmi Usmanızki bi. İmparatoriya Usmanızu seserra 15ine u 19ine de biye merkezê mısılmanunê sunniu. Sultanunê İmparatoriya Usmanızu xêlê camiy vırasti.
Hardê İmparatoriya Usmanızu zaf gırs bi. Hem qıta Awrupa, hem qıta Asya u hem ki qıta Afriqa de hukım kerdo. Çı waxt İmparatoriya Usmanızu resê suka Viyena, uza de sarê Awrupa İmparatoriya Usmanızu vındernê (egle kerde). İmparatoriya Usmanızu Cengê Viyena I. u II. (1683) kerd vindi. O waxt ra nat İmparatoriya Usmanızu pede biye qıze. Seserra 20ine de İmparatoriya Usmanızu Herbê Dinao Verên ki kerd vindi u serra 1923ine de Atatürki dest İmparatoriya Usmanızu biye xırabe u Cumurêtê Tırkiya niya ro.