Wp/kip/विकिपीडिया

विकिपीडिया (अङ्ग्रेजी: Wikipedia) बहुभाषी वेबल आधारित स्वतन्त्र सन खुला ज्ञानकोश सा। विकिपिडिया शब्द विकि (wiki, पारेए सहकार्यल वेवसाइट तयार जइने प्रविधि) सन ईन्साइक्लोपीडिया (encyclopedia) जोडिडे बनिऊ ले। विकिपिडियाला स्वयंसेवक ङाराई लेखर सर्सिर। आआेए मस्तजसो लेखर इन्टरनेटल पहुँच टाआे जो कोइ पनि संशोधन,परिवर्तन सन परिमार्जन जइआे ढुर। विकिपीडियाला मुख्य सर्भरर संयुक्त राज्य अमेरिका ला फ्लोरिडा राज्यल अवस्थित लेर। अन्य सर्भरर एम्स्टर्‍ड्याम सन सउलल लेर विकिमिडीया फाउण्डेसन मिनला तोबो गैर-नाफामुखी संस्थाद्वारा सञ्चालित विकिपिडियाला प्रायजसो पार पृष्ठरलाई विकिपसडियाल।पहुँच लेआे जो कोइराई पनि परिमार्जन जइआे ढुर। सन् २००१ ल जिम्मी वेल्स सन लारी स्यान्गरए आआेए शुरुवात याजइआे। अजेल आआे ईन्टरनेटल पारे भन्दा घेआे सन प्रख्यात सन्दर्भ सामाग्री बनिडे ले। नेपालल पनि विकिपिडियाए स्थापनाकाल देखि ज प्रयोग डोडे हुसिऊ दइसी। खास जइडे कुनै पनि विषयल जानकारी लाङने सन याराइ ज थाहा टाेआे विषयल जोसुकैराई पनि लेख सर्ने वा सम्पादन जइने अटाकाई विकिपिडियाए लोकप्रियता अबढिऊ सा। अजेल विश्वला पारेभन्दा मस्त रङसिन्या ६ ईन्टरनेट साइट मध्यल आआे पनि तोबो सा।

विकिपीडियाको लोगो

पारेभन्दा महत्त्वपूर्ण पाङ कता लिजे हइगारकाई विकिपीडियाए अजेलसम्म यामीराई कोइपनि व्यावसायिक विज्ञापन नइडे मानआे। विना विज्ञापनला सामाग्री निःशुल्क रूपल परिने दइसि अजेलला युगल आश्चर्यकइ विषय टाडे ले। विकिपीडियाल लेख रचनार योगदान यान्या पार व्यक्तिर स्वयंसेवी (Volunteer) सार। विकिपीडिया विना कताज पारिश्रमिक लेख रचना सर्ने स्वयंसेवक संख्या अजेल दशौं लाख केडे लेर।

नेपालल विकिपीडिया

नेपालल सन् २००२ ल विकिपीडियाए नेपाली संस्करण सुरू डासिडे अलेऊ। अजेल नेपाली पाङल 163,122 वटा सिमु-घेआे लेखर लेर। आल लेआे जम्मा नेपाली पेजराई संख्या भने ५० हजार भन्दा मस्त लेर। नेपाली विकिल अजेल सम्मल 2,601,637 प्रयोगकर्तार(Users) दर्ता टाडे लेर जसमध्ये सक्रिय प्रयोगकर्तार सरदर ११० जना सक्रिय रहिडे लेर। अजेल नेपाली विकिपिडियाल १४ जना प्रबन्धकर लेर जसमध्ये अजेल ५ जना विदेशल सन ९ जना नेपालल चुसिडे नेपाली विकिपीडियाला सामाग्रीर सम्पादन तथा व्यवस्थित जइन्या एनल सरिक रहिडे लेर। विकिपिडियाल नेपाली बाहेक नेपाल भित्रल पाङसिने अरू पाङरल पनि पेजर उपलब्ध लेर। जस्तै नेपाल पाङ, भोजपुरी पाङ, मैथली पाङ पाली पाङ, डोटेली पाङ

विकिपिडिया लगायत विभिन्न विकि परियोजनारलाई प्रवर्द्धन जइने तथा नोरलाई सहयोग जइने साथै अन्य स्रोत सामाग्रीराई व्यवस्था जइन्या अलागि विकिमिडीया फाउण्डेसन मिनला संस्था कार्यरत रहिडे ले। नोए नेपाल च्याप्टरए रूपल विकिमिडिया नेपाल मिनला संस्था स्थापनाए लागि प्रस्ताव जइडे प्रक्रिया ङाडे बढइडे नआे। आआेए नेपालल पाङसिने पार पाङराई विकिराई प्रवर्द्धन तथा विकासए लागि सहयोग जइर।आआे संस्थाए कुनैपनि लेखल नेपाल सम्बन्धि विवाद हुके भने नोइ निवारण जइन्या समेत जइन्या ले।

विकिपीडिया जेरो

विकिपिडिया फाउन्डेसन सन मोबाइल सेवा प्रदायकबीच सम्झैता टाडे इन्टरनेट उपभोक्तारलार्इ नि:शुल्क रूपल विकिपिडिया पहुँच जइआे यान्या परियोजना ।

विकिपिडियाए शाखार

विकिपिडियाल विभिन्न शाखार लेर। जस्तो कि विक्सनरी विक्सनरी, खुला किताबविकि किताब, विकि विश्वविद्यालय(विकिभर्सिटी), विकिसमाचार(खुला समाचार), विकि प्रजाति, कमन्स, कथन(उक्ति संग्रह) आदि। नेपालील अजेल विक्सनरी सन विकिपुस्तक याज सञ्चालनल लेर। यद्यपि बाँकी विषयला पनि योगदान डोइआे ढुसिने अवस्था ले। जेर पनि विकिपिडियाल सम्पादक बनिने माङक? बनिने टाकन जेराई जानकारील लेआे सन जेराई रूचिला विषयरल लेख सर्ने वा टाआे लेखरलाई सम्पादन डोने निमन्त्रणा जिले।